Suriya | ‘రోలెక్స్’ సినిమా ఎప్పుడు వస్తుంది.. ఆయ‌న‌నే అడగాలంటూ సూర్య ఆసక్తికర వ్యాఖ్యలు.. !

Suriya | కోలీవుడ్ స్టార్ హీరో సూర్య మరోసారి తెలుగు ప్రేక్షకులను పలకరించేందుకు సిద్ధమయ్యారు. ఈ ఏడాది ఇప్పటికే రెండు సినిమాలతో తెలుగు ఆడియెన్స్ ముందుకు వచ్చిన ఆయన, తాజాగా ‘సీన్’ చిత్రంతో మూడోసారి సందడి చేయనున్నారు. దర్శకుడు జీతూ మాధవన్ తెరకెక్కించిన ఈ ఆసక్తికరమైన ప్రాజెక్ట్‌పై తమిళ ప్రేక్షకులతో పాటు తెలుగు అభిమానుల్లోనూ మంచి ఆసక్తి నెలకొంది.

Suriya | కోలీవుడ్ స్టార్ హీరో సూర్య మరోసారి తెలుగు ప్రేక్షకులను పలకరించేందుకు సిద్ధమయ్యారు. ఈ ఏడాది ఇప్పటికే రెండు సినిమాలతో తెలుగు ఆడియెన్స్ ముందుకు వచ్చిన ఆయన, తాజాగా ‘సీన్’ చిత్రంతో మూడోసారి సందడి చేయనున్నారు. దర్శకుడు జీతూ మాధవన్ తెరకెక్కించిన ఈ ఆసక్తికరమైన ప్రాజెక్ట్‌పై తమిళ ప్రేక్షకులతో పాటు తెలుగు అభిమానుల్లోనూ మంచి ఆసక్తి నెలకొంది. ఈ సినిమా ఈ శుక్రవారం ప్రేక్షకుల ముందుకు రానుంది.అయితే సూర్య సినిమాల గురించి చర్చ వచ్చినప్పుడల్లా అభిమానులు ప్రత్యేకంగా ప్రస్తావించే ప్రాజెక్ట్ ‘రోలెక్స్’. లోకేష్ కనగరాజ్ దర్శకత్వంలో సూర్య ప్రధాన పాత్రలో ఈ సినిమా రూపొందాల్సి ఉంది. ‘విక్రమ్’ సినిమాలో రోలెక్స్ పాత్రలో సూర్య కనిపించిన కొద్దిసేపే ప్రేక్షకులను విశేషంగా ఆకట్టుకున్నారు. ఆ పాత్రకు వచ్చిన స్పందనతో పూర్తిస్థాయి సినిమాగా రోలెక్స్‌ను చూడాలని అభిమానులు ఎప్పటి నుంచో ఎదురుచూస్తున్నారు.

తాజాగా ‘రోలెక్స్’ సినిమా గురించి సూర్యను ప్రశ్నించగా ఆయన ఆసక్తికరంగా స్పందించారు. ఈ సినిమా ఎప్పుడు ప్రారంభమవుతుందనే విషయాన్ని తనను కాకుండా దర్శకుడు లోకేష్ కనగరాజ్‌ను అడగాలని అభిమానులకు సూచించారు. అంతేకాదు, ప్రస్తుతం తనకు ఒక విలన్ అవసరమని, లోకేష్‌ను తన దగ్గరకు పంపించాలంటూ సరదాగా వ్యాఖ్యానించారు.సూర్య చేసిన ఈ వ్యాఖ్యలు ఇప్పుడు అభిమానుల్లో చర్చకు దారితీశాయి. లోకేష్ దర్శకత్వంలో రోలెక్స్ పాత్రను పూర్తిస్థాయి కథతో వెండితెరపై చూడాలని ఎదురుచూస్తున్న అభిమానులకు ఆయన మాటలు మరింత ఆసక్తిని కలిగించాయి. అయితే ఈ వ్యాఖ్యలతో సినిమా షూటింగ్ ఎప్పుడు ప్రారంభమవుతుందనే దానిపై స్పష్టత వచ్చినట్లు భావించలేం. ప్రాజెక్ట్‌కు సంబంధించిన అధికారిక ప్రకటన కోసం మరికొంత కాలం వేచి చూడాల్సిందే.

మరోవైపు సూర్య నటించిన తాజా చిత్రం ‘సీన్’ విడుదలకు సిద్ధమైంది. జీతూ మాధవన్ దర్శకత్వం వహించిన ఈ సినిమాపై ఇప్పటికే మంచి అంచనాలు ఏర్పడ్డాయి. విభిన్నమైన కథాంశంతో తెరకెక్కిన ఈ చిత్రం తమిళంతో పాటు తెలుగు ప్రేక్షకులను కూడా ఆకట్టుకుంటుందని అభిమానులు ఆశిస్తున్నారు. ఒకవైపు ‘సీన్’ విడుదలకు సిద్ధమవుతుండగా, మరోవైపు ‘రోలెక్స్’ గురించి సూర్య చేసిన వ్యాఖ్యలు వైరల్ అవుతున్నాయి. మరి లోకేష్ కనగరాజ్‌తో సూర్య సినిమా ఎప్పుడు పట్టాలెక్కుతుంది? రోలెక్స్ పాత్రకు పూర్తిస్థాయి కథ ఎప్పుడు తెరపైకి వస్తుంది? అన్నది ఇప్పుడు ఆసక్తికరంగా మారింది.