OTT Movies | ఓటీటీలో ఈ వారం ఏకంగా 24 సినిమాలు, వెబ్‌సిరీస్‌లు.. ఎక్కడెక్కడ స్ట్రీమింగ్ కానున్నాయి అంటే?

OTT Movies | దీపావళి పండుగ సందడి మొదలవుతున్న వేళ నవంబర్ మొదటి వారంలో సినీ ప్రేక్షకులకు థియేటర్లతో పాటు ఓటీటీల్లోనూ వినోదం అందుబాటులోకి రానుంది. థియేటర్లలో మైథలాజికల్ ఎపిక్ ‘రామాయణ’తో పాటు కోలీవుడ్ స్టార్ సూర్య నటించిన ‘సీన్’, నయనతార ప్రధాన పాత్రలో తెరకెక్కిన ‘మహాశక్తి’, ‘సమ్మర్ హాలిడేస్’ వంటి సినిమాలు ప్రేక్షకుల ముందుకు రానున్నాయి.

OTT Movies | దీపావళి పండుగ సందడి మొదలవుతున్న వేళ నవంబర్ మొదటి వారంలో సినీ ప్రేక్షకులకు థియేటర్లతో పాటు ఓటీటీల్లోనూ వినోదం అందుబాటులోకి రానుంది. థియేటర్లలో మైథలాజికల్ ఎపిక్ ‘రామాయణ’తో పాటు కోలీవుడ్ స్టార్ సూర్య నటించిన ‘సీన్’, నయనతార ప్రధాన పాత్రలో తెరకెక్కిన ‘మహాశక్తి’, ‘సమ్మర్ హాలిడేస్’ వంటి సినిమాలు ప్రేక్షకుల ముందుకు రానున్నాయి. దీంతో ఈ వారం థియేటర్లలోనూ సందడి నెలకొననుంది. మరోవైపు ఓటీటీ ప్రేక్షకుల కోసం పలు భాషల్లో సినిమాలు, వెబ్‌సిరీస్‌లు సిద్ధమయ్యాయి. నవంబర్ 3 నుంచి 8వ తేదీ వరకు వివిధ ప్లాట్‌ఫామ్స్‌లో కొత్త చిత్రాలు, సిరీస్‌లు విడుదల కానున్నాయి. తెలుగు ప్రేక్షకులు ఆసక్తిగా ఎదురుచూస్తున్న డబ్బింగ్ సినిమాలతో పాటు హిందీ, ఇంగ్లీష్, కొరియన్, బెంగాలీ భాషలకు చెందిన కంటెంట్ కూడా అందుబాటులోకి రానుంది.

జియో హాట్ స్టార్‌లో..

మలయాళ స్టార్ దుల్కర్ సల్మాన్ ప్రధాన పాత్రలో నటించిన స్టైలిష్ యాక్షన్ థ్రిల్లర్ ‘ఐయామ్ గేమ్’ నవంబర్ 6 నుంచి జియో హాట్‌స్టార్‌లో స్ట్రీమింగ్ కానుంది. నహాస్ హిదయత్ దర్శకత్వం వహించిన ఈ చిత్రంలో కయాదు లోహర్ హీరోయిన్‌గా నటించారు. మిస్కిన్, ఆంటోని వర్గీస్, సంయుక్త విశ్వనాథన్, జయసుధ, వినయ్ ఫోర్ట్, కథిర్ తదితరులు కీలక పాత్రలు పోషించారు. మలయాళంతో పాటు తెలుగు, తమిళం, కన్నడ, హిందీ భాషల్లోనూ ఈ సినిమా అందుబాటులోకి రానుంది. దుల్కర్ అభిమానులకు ఇది ఈ వారం ప్రత్యేక ఆకర్షణగా నిలవనుంది.

సన్ నెక్స్ట్‌లో ‘అనకాపల్లి’

విక్రమ్ సహిదేవ్, సంధ్య వశిష్ట ప్రధాన పాత్రల్లో నటించిన తెలుగు చిత్రం ‘అనకాపల్లి’ నవంబర్ 3 నుంచి సన్ నెక్స్ట్‌లో స్ట్రీమింగ్ కానుంది. ఖగేష్ తమ్మినేని దర్శకత్వం వహించిన ఈ లవ్, యాక్షన్, రొమాంటిక్ డ్రామాలో తారక్ పొన్నప్ప, త్రినాథరావు నక్కిన, ఇంద్రజ, నందిని రాయ్, సంగీత క్రిష్, వడ్లమాని శ్రీనివాస్ తదితరులు నటించారు. థియేటర్లలో విడుదలైన ఈ చిత్రాన్ని ఇప్పుడు ఇంట్లోనే ఓటీటీలో చూసే అవకాశం ప్రేక్షకులకు లభించనుంది.

అమెజాన్ ప్రైమ్ వీడియోలో ‘ది వాన్’

సిద్ధార్థ్ మల్హోత్రా, తమన్నా ప్రధాన పాత్రల్లో నటించిన ఫాంటసీ థ్రిల్లర్ ‘ది వాన్’ నవంబర్ 6 నుంచి అమెజాన్ ప్రైమ్ వీడియోలో అందుబాటులోకి రానుంది. దీపక్ కుమార్ మిశ్రా దర్శకత్వం వహించిన ఈ చిత్రంలో సునీల్ గ్రోవర్, మనీష్ పాల్, శ్వేతా తివారీ, అనుప్ సోనీ తదితరులు కీలక పాత్రలు పోషించారు. ఇక నవంబర్ 4న ‘ది గ్రేటెస్ట్’ అనే ఇంగ్లీష్ సిరీస్, నవంబర్ 8న ‘ది ఇన్‌స్టిట్యూట్’ రెండో సీజన్ ప్రైమ్ వీడియోలో స్ట్రీమింగ్ కానున్నాయి.

నెట్‌ఫ్లిక్స్‌లో కొత్త సినిమాలు, సిరీస్‌లు

నవంబర్ మొదటి వారంలో నెట్‌ఫ్లిక్స్‌లోనూ పలు ఆసక్తికరమైన చిత్రాలు, వెబ్‌సిరీస్‌లు విడుదల కానున్నాయి.

నవంబర్ 3: ‘బాస్ ఎక్స్ మెషీనా’ అనే ఇంగ్లీష్ యానిమేటెడ్ సిరీస్.

నవంబర్ 4: ‘అనస్తీషియా’ వెబ్‌సిరీస్, ‘ఏ డాగ్స్ పర్ఫెక్ట్ క్రిస్మస్’ ఇంగ్లీష్ చిత్రం, ‘టేకెన్: నటాలీ హాలోవే’ డాక్యుమెంటరీ.

నవంబర్ 5: ‘బ్లాక్ డోవ్స్’ ఇంగ్లీష్ సిరీస్, ‘నార్త్ ఆఫ్ ద నార్త్’ రెండో సీజన్, ‘దిల్‌వాలీ దివాళీ’ హిందీ చిత్రం.

నవంబర్ 6: ‘అండర్ సీజ్’ కొలంబియన్ సిరీస్, ‘పాజిబుల్ లవ్’ కొరియన్ చిత్రం, ‘కౌరిబురీర్ మందిర్’ బెంగాలీ సిరీస్.

విభిన్న భాషలు, విభిన్న కథాంశాలతో రూపొందిన ఈ కంటెంట్ నెట్‌ఫ్లిక్స్ ప్రేక్షకులకు అందుబాటులోకి రానుంది.

ఇతర ఓటీటీల్లోనూ సంద‌డి చేయ‌నున్న చిత్రాలు..

జీ5:

నవంబర్ 4న ‘బ్లైండ్ గేమ్’ హిందీ చిత్రం.

నవంబర్ 6న ‘నూర్ కోడివానవళ్’ తమిళ చిత్రం.

సోనీ లివ్:

నవంబర్ 6న ‘హైవాన్’ హిందీ చిత్రం, ‘మీసయ్య మురుక్కు’ తెలుగు డబ్బింగ్ చిత్రం.

జియో హాట్‌స్టార్:

నవంబర్ 2న ‘మినియన్స్ అండ్ మాన్‌స్టర్స్’ ఇంగ్లీష్ చిత్రం, ‘ద గిల్డెడ్ ఏజ్’ రెండో సీజన్.

నవంబర్ 6న ‘ఐయామ్ గేమ్’ తెలుగు డబ్బింగ్ చిత్రం.

నవంబర్ 8న ‘మోటూ పత్లూ అండ్ మిస్టరీ ఆఫ్ ఏ నాగమణి’ తెలుగు డబ్బింగ్ చిత్రం.

ఆపిల్ టీవీ ప్లస్:

నవంబర్ 4న ‘స్టిక్’ రెండో సీజన్.

మొత్తంగా నవంబర్ మొదటి వారం ఓటీటీ ప్రేక్షకులకు విభిన్నమైన వినోదాన్ని అందించనుంది. దుల్కర్ సల్మాన్ ‘ఐయామ్ గేమ్’, సిద్ధార్థ్ మల్హోత్రా–తమన్నా ‘ది వాన్’, తెలుగు చిత్రం ‘అనకాపల్లి’తో పాటు పలు భాషల సినిమాలు, వెబ్‌సిరీస్‌లు స్ట్రీమింగ్‌కు సిద్ధమయ్యాయి. థియేటర్లలో భారీ చిత్రాల సందడి ఒకవైపు ఉంటే, ఇంట్లోనే కొత్త సినిమాలు చూడాలనుకునే వారికి ఓటీటీ వేదికలు మరోవైపు వినోదాన్ని అందించనున్నాయి.