Visit:
తే.గీ॥ అంధకారబంధురమైదివాంధ గణము
లాక్రమించిన తెలగాణనాదుకొనగ
గళమునెత్తెను వీరకంకణముగట్టె
మడమ దిప్పని రవి చింతమడక బిడ్డ
సీ॥ ఆరుదశాబ్దాల తీరని దుఃఖము
లంతమొందించగ నవతరించె
ఆత్మగౌరవపతాకావిష్కరణ జేసి
గగనసీమను దాటి ఎగురవేసి
బతుకమ్మ, బోనాలు, పండగల్‌ పాటలు
వివిధ దేశాలకు విస్తరించె
భాషకు యాసకు పట్టము కట్టివే
వేలయేళ్ల చరిత్ర విభవమద్దె
తే.గీ॥ స్వీయరాజకీయాస్తిత్వ ధ్యేయమొకటె
లక్ష్యమై సాగె నిండు గులాబి జెండ
రాణకెక్కె తెలంగాణ రాష్ట్ర సమితి
చంద్రశేఖర రాయార్య సాధనమున
ఉ॥ రాదను శంకలేక సమరానికి శంఖములూది వైరిదు
ర్వాదములుత్తరించి జనరాణువజేయన దీక్షతో స్వరా
ష్ర్టోదయ కారకుండయెతదుద్యమ యుద్ధవిజేతకున్‌ గులా
బీదళ నేతకున్‌ విజయవింశతి పర్వశుభాభినందనల్‌
చం॥ ఇరువదియేండ్ల కాలమురహించె ‘తెరాస’ పతాక దీధితుల్‌
నిరతము గోలు కొండపయినిత్యము వెల్గును నిండు నూరువ
త్సరములు ముఖ్యమంత్రి వరసత్తముడూర్జిత కార్యకర్తలున్‌
భరత సవిత్రి దీవెనల భవ్యయశోన్నతి పొందుగావుతన్‌
డాక్టర్‌ అయాచితం శ్రీధర్‌
98498 93238
