పెళ్లి నేపథ్యంలో ‘సంగీత్‌’

నిఖిల్‌ విజయేంద్ర సింహ, తేజు అశ్విని జంటగా నటిస్తున్న ‘సంగీత్‌' చిత్రం మంగళవారం హైదరాబాద్‌లో ప్రారంభమైంది. సాద్‌ఖాన్‌ దర్శకుడు.

నిఖిల్‌ విజయేంద్ర సింహ, తేజు అశ్విని జంటగా నటిస్తున్న ‘సంగీత్‌’ చిత్రం మంగళవారం హైదరాబాద్‌లో ప్రారంభమైంది. సాద్‌ఖాన్‌ దర్శకుడు. ముహూర్తపు సన్నివేశానికి ఎస్‌.ఎస్‌.కార్తికేయ క్లాప్‌నివ్వగా, శౌర్య కెమెరా స్విఛాన్‌ చేశారు. దర్శకుడు మాట్లాడుతూ ‘పెళ్లి సమయంలో ఓ కుటుంబంలో జరిగిన సంఘటనలను వినోదాత్మకంగా చూపిస్తూ ఈ చిత్రాన్ని తెరకెక్కించబోతున్నాం. ప్రేక్షకులను నవ్వించడమే లక్ష్యంగా పెట్టుకున్నాం. కామెడీతో పాటు కుటుంబ అనుబంధాలు ప్రధానంగా అందరిని మెప్పిస్తుంది’ అన్నారు. ఈ సినిమాలో తాను సమర్థ్‌ అనే యువకుడి పాత్రలో కనిపిస్తానని, తన హృదయానికి ఎంతో దగ్గరైన చిత్రమిదని హీరో నిఖిల్‌ విజయేంద్ర సింహా తెలిపారు. విక్రమ్‌ శివ, సూర్య గణపతి, హర్ష చెముడు తదితరులు నటిస్తున్న ఈ చిత్రానికి సంగీతం: కల్యాణ్‌ నాయక్‌, నిర్మాణ సంస్థలు: లహరి ఫిల్మ్స్‌, ఆర్‌.బి.స్టూడియోస్‌, నిర్మాతలు: నవీన్‌ మనోహరన్‌, చంద్రు మనోహరన్‌, స్రవంతి నవీన్‌, రచన-దర్శకత్వం: సాద్‌ఖాన్‌.