పిక్సెల్‌ స్థాయిలోనే ప్రైవసీ!

ఆండ్రాయిడ్‌ ఫ్లాగ్‌షిప్‌ వినియోగదారుల ఆశలన్నీ.. సామ్‌సంగ్‌ మోడల్స్‌పైనే! అందుకు తగ్గట్టుగానే ఈ ఎలక్ట్రానిక్‌ దిగ్గజ సంస్థ స్మార్ట్‌ఫోన్‌లను తయారు చేస్తుంటుంది. ఇప్పుడు కూడా.. తన తదుపరి ఫ్లాగ్‌షిప్‌ లైనప్‌ గెలాక్సీ ఎస్‌26, ఎస్‌26 ప్లస్‌, ఎస్‌26 అల్ట్రాను తీసుకురానున్నది. ఇందుకు సంబంధించి కొత్త లీక్‌లు ఆన్‌లైన్‌లో హల్‌చల్‌ చేస్తున్నాయి.

ఆండ్రాయిడ్‌ ఫ్లాగ్‌షిప్‌ వినియోగదారుల ఆశలన్నీ.. సామ్‌సంగ్‌ మోడల్స్‌పైనే! అందుకు తగ్గట్టుగానే ఈ ఎలక్ట్రానిక్‌ దిగ్గజ సంస్థ స్మార్ట్‌ఫోన్‌లను తయారు చేస్తుంటుంది. ఇప్పుడు కూడా.. తన తదుపరి ఫ్లాగ్‌షిప్‌ లైనప్‌ గెలాక్సీ ఎస్‌26, ఎస్‌26 ప్లస్‌, ఎస్‌26 అల్ట్రాను తీసుకురానున్నది. ఇందుకు సంబంధించి కొత్త లీక్‌లు ఆన్‌లైన్‌లో హల్‌చల్‌ చేస్తున్నాయి. ఈ మోడల్స్‌లో వావ్‌! అనిపించే ఫీచర్‌.. ప్రైవసీ డిస్‌ప్లే. అంటే, పక్కన ఉన్నవారు ఫోన్‌స్క్రీన్‌ను చూడలేరు. దీనిగురించి సామ్‌సంగ్‌ కూడా ఇప్పటికే ఓ ప్రకటన చేసింది కూడా. మీ ఫోన్‌ను షోల్డర్‌ సర్ఫింగ్‌ నుంచి రక్షించడానికి సామ్‌సంగ్‌ త్వరలో కొత్త టెక్నాలజీని ఆవిష్కరిస్తున్నట్లు చెప్పింది. ఈ సిరీస్‌లో శాటిలైట్‌ ఆధారిత సందేశాలు, అత్యవసర సహాయాలు పొందే అవకాశం కూడా ఉన్నది. శాటిలైట్‌ ఆధారిత కమ్యూనికేషన్‌లో స్పేస్‌ (ఎస్‌సీఎస్‌), నాన్‌-టెరెస్ట్రియల్‌ నెట్‌వర్క్‌ల (ఎన్‌టీఎన్‌) నుంచి అనుబంధ కవరేజ్‌ ఉండవచ్చని నిపుణులు చెబుతున్నారు.

ఇక ఈ లీక్‌ల ప్రకారం.. గెలాక్సీ ఎస్‌26, ఎస్‌26 ప్లస్‌.. క్వాల్‌కామ్‌ స్నాప్‌డ్రాగన్‌ ప్రాసెసర్‌తోపాటు ఎక్సినోస్‌ 2600 చిప్‌తో రాబోతున్నాయి. అయితే గెలాక్సీ ఎస్‌26 అల్ట్రా మాత్రం.. స్నాప్‌డ్రాగన్‌ 8 ఎలైట్‌ జెన్‌5ని ఉపయోగిస్తుంది. గెలాక్సీ ఎస్‌26 అల్ట్రా ప్రధాన కెమెరా.. 5ఎక్స్‌ టెలిఫొటోతో రాబోతున్నది. ప్రధాన లెన్స్‌ f/1.4కి మారుతుందని, టెలిఫోటో f/2.9కి మారుతుందని చెబుతున్నారు. ఇది సెన్సర్‌లోకి ఎక్కువ కాంతిని అనుమతిస్తుంది. తక్కువ కాంతిలోనూ అద్భుతమైన ఫొటోలను అందిస్తుంది. ఇక సాఫ్ట్‌వేర్‌ విషయానికి వస్తే.. ఆండ్రాయిడ్‌ 16 ఆధారిత వన్‌ యూఐ 8.5తో ఈ ఫోన్లు పనిచేయనున్నాయి. త్వరలోనే మార్కెట్‌లోకి రానున్న ఈ మోడల్స్‌పై ఏడేళ్లపాటు సాఫ్ట్‌వేర్‌ అప్‌డేట్స్‌ లభిస్తాయి.