హామిల్టన్: సీనియర్ బ్యాటర్ రాస్ టేలర్ న్యూజిలాండ్ తరఫున చివరి అంతర్జాతీయ మ్యాచ్ ఆడేశాడు. నెదర్లాండ్స్తో సిరీస్ అనంతరం కెరీర్ ముగించనున్నట్లు ముందే ప్రకటించిన టేలర్కు.. జట్టు సభ్యులు విజయంతో వీడ్కోలు పలికారు. సోమవారం జరిగిన మూడో వన్డేలో న్యూజిలాండ్ 115 పరుగుల తేడాతో నెదర్లాండ్స్ను చిత్తు చేసి 3-0తో సిరీస్ క్లీన్స్వీప్ చేసింది. గప్టిల్ (106), విల్ యాంగ్ (120) శతకాలతో కదం తొక్కడంతో మొదట న్యూజిలాండ్ 8 వికెట్లకు 333 పరుగులు చేసింది. 16 ఏండ్ల కెరీర్ పూర్తి చేసుకున్న 38 ఏండ్ల రాస్ టేలర్ సొంతగడ్డపై తన చివరి ఇన్నింగ్స్లో 14 పరుగులు చేశాడు. ఛేదనలో నెదర్లాండ్స్ 42.3 ఓవర్లలో 218 రన్స్కు ఆలౌటైంది.