Nargis Fakhri | వాళ్ల‌తో ప‌డుకోలేద‌నే ఆఫ‌ర్లు లేకుండా చేశారు

Nargis Fakhri | ఇప్ప‌టికే చాలామంది హీరోయిన్లు బ‌య‌ట‌కొచ్చి కెరీర్‌లో త‌మ‌కు ఎదురైన చేదు అనుభ‌వాల గురించి వెల్ల‌డించారు. ఇప్పుడు న‌ర్గీస్ ఫ‌క్రీ త‌న‌కు ఎదురైన వేధింపుల‌ను బ‌య‌ట‌పెట్టింది.

August 8, 2021 / 08:58 PM IST

Nargis Fakhri | వాళ్ల‌తో ప‌డుకోలేద‌నే ఆఫ‌ర్లు లేకుండా చేశారు

Nargis Fakhri | సినిమా ఇండ‌స్ట్రీలో క్యాస్టింగ్ కౌచ్ ( casting couch ) సర్వ‌సాధార‌ణంగా మారిపోయింది. మీటూ ఉద్య‌మం ( Me Too movement )లో భాగంగా ఇప్ప‌టికే చాలామంది హీరోయిన్లు బ‌య‌ట‌కొచ్చి కెరీర్‌లో త‌మ‌కు ఎదురైన చేదు అనుభ‌వాల గురించి ధైర్యంగా వెల్ల‌డించారు. అవ‌కాశాలు కావాలంటే ఇప్ప‌టికీ వేధింపులు ఎదుర‌వుతున్నాయ‌ని.. ఆఫ‌ర్ల‌ కోసం చాలామంది కాంప్ర‌మైజ్ అవుతున్నార‌ని చెప్తున్నారు. క్యాస్టింగ్ కౌచ్‌కు వ్య‌తిరేకంగా గ‌ళం విప్పుతున్నారు. ఇదే బాట‌లో ఇప్పుడు మ‌రో బాలీవుడ్ న‌టి న‌ర్గీస్ ఫ‌క్రీ త‌న‌కు ఎదురైన వేధింపుల‌ను బ‌య‌ట‌పెట్టింది. త‌న‌కు సినిమాల్లో ఎందుకు అవ‌కాశాలు రాలేదో వివ‌రించింది.

ప‌దేళ్ల కింద ఇంతియాజ్ అలీ తెర‌కెక్కించిన రాక్‌స్టార్ సినిమాతో బాలీవుడ్‌కు ప‌రిచ‌యమైంది న‌ర్గీస్ ఫ‌క్రీ. తొలి సినిమాతోనే అవార్డులు కూడా అందుకుంది. బెస్ట్ ఫీమేల్ డెబ్యూగా ఫిల్మ్ ఫేర్ అవార్డుతో పాటు, సూప‌ర్ స్టార్ ఆఫ్ టుమారో-ఫీమేల్ కేట‌గిరీలో స్టార్ డ‌స్ట్‌, జీ సినిమా అవార్డులు అందుకుంది. అలాగే ఈ సినిమాతో ఐఫా అవార్డు కూడా అందుకుంది. ఆ త‌ర్వాత ఈమె న‌టించిన‌ మ‌ద్రాస్ కేఫ్ సినిమా కూడా సూప‌ర్ హిట్ అయింది. అలాగే క‌మ‌ర్షియ‌ల్ హిట్స్‌గా నిలిచిన‌ మై తేరా హీరో, హౌజ్‌ఫుల్ 3 వంటి కామెడీ సినిమాల్లోనూ న‌టించింది. ఈ హిట్స్ చూసి ఈమె బాలీవుడ్‌లో స్టార్ హీరోయిన్‌గా ఎదుగుతుంద‌ని అంతా అనుకున్నారు.. కానీ ఆ త‌ర్వాత న‌ర్గీస్‌కు అస‌లు ఆఫ‌ర్లే రావ‌డం త‌గ్గిపోయాయి. అలా ఎందుకు జ‌రిగిందో న‌ర్గీస్ ఫ‌క్రీ తాజాగా చెప్పుకొచ్చింది.

Nargis Fakhri: నర్గీస్ ఫక్రీ ఇన్‌స్టాగ్రామ్ ఫొటోస్

ఎక్క‌డైనా స‌రే తొలి సినిమా విజ‌యం సాధిస్తే క‌చ్చితంగా ఆఫ‌ర్లు వ‌స్తాయ‌ని.. కానీ త‌న‌ విష‌యంలో అలా జ‌ర‌గ‌లేద‌ని వాపోయింది. బాలీవుడ్‌లో ఎద‌గాలంటే ద‌ర్శ‌క నిర్మాత‌ల కోరిక‌లు తీర్చాల్సిందేన‌ని.. వాళ్లతో ప‌డుకోక‌పోతే మ‌న‌సులోపెట్టుకుని ఆఫ‌ర్స్ రాకుండా చేస్తార‌ని ఆరోపించింది. త‌మ‌తో ప‌డుకుంటే త‌ప్ప అవ‌కాశాలు ఇవ్వ‌మ‌ని కొంద‌రు చెప్పేస‌రికి.. త‌ను కాంప్ర‌మైజ్ కాలేక‌పోయాన‌ని చెప్తోంది న‌ర్గీస్‌.ఇండ‌స్ట్రీకి వ‌చ్చిన‌ప్పుడే త‌న‌కంటూ కొన్ని నియ‌మ నిబంధ‌న‌లు పెట్టుకున్నాన‌ని.. అందువ‌ల్లే స్టార్ హీరోయిన్ కాకుండా ఇలా ఉండిపోయాన‌ని చెప్పుకొచ్చింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి