Game changer | రాంచరణ్‌ గేమ్‌ ఛేంజర్‌ షూటింగ్ రీస్టార్ట్‌.. ఇంతకీ ఎక్కడో తెలుసా..?

Game changer | టాలీవుడ్ స్టార్ రాంచరణ్‌ (Ram Charan) కాంపౌండ్ నుంచి వస్తున్న చిత్రం గేమ్‌ ఛేంజర్‌ (Game changer). ఇటీవలే స్టంట్ మాస్టర్‌ అన్బరివ్‌ నేతృత్వంలో మైక్రోబాట్‌ కెమెరాతో యాక్షన్‌ సీక్వెన్స్ షూట్‌ను పూర్తి చేశారు.

Game changer | టాలీవుడ్ స్టార్ రాంచరణ్‌ (Ram Charan) కాంపౌండ్ నుంచి వస్తున్న చిత్రం గేమ్‌ ఛేంజర్‌ (Game changer). స్టార్ డైరెక్టర్ శంకర్‌ (Shankar)‌ దర్శకత్వం వహిస్తున్నాడు. ఆర్‌సీ 15 ప్రాజెక్టుగా వస్తోన్న ఈ చిత్రంలో బాలీవుడ్ భామ కియారా అద్వానీ ఫీ మేల్ లీడ్ రోల్‌లో నటిస్తోంది. ఇటీవలే బేగంపేటలోని షూటింగ్‌ స్పాట్‌లో శంకర్ బర్త్ డే నిర్వహించారని తెలిసిందే. దీనికి సంబంధించిన వీడియో కూడా నెట్టింట్లో వైరల్ అవుతోంది.

ఇటీవలే స్టంట్ మాస్టర్‌ అన్బరివ్‌ నేతృత్వంలో మైక్రోబాట్‌ కెమెరాతో యాక్షన్‌ సీక్వెన్స్ షూట్‌ను పూర్తి చేశారు. 3 రోజుల విరామం తర్వాత హైదరాబాద్‌లోని అన్నపూర్ణ స్టూడియోస్‌లో గేమ్‌ ఛేంజర్‌ షూటింగ్ మళ్లీ మొదలైంది. త్వరలోనే ప్రొడక్షన్‌ టీం కొన్ని కీలక సన్నివేశాలను చిత్రీకరించేందుకు హైదరాబాద్‌ నుంచి మరో ప్రాంతానికి వెళ్లనుందట. ఈ షెడ్యూల్‌లో రాంచరణ్‌, సునీల్, ఇతక కీలక నటీనటులు పాల్గొననున్నారట. గేమ్‌ ఛేంజర్‌లో బాలీవుడ్ నటుడు హ్యారీ జోష్‌ విలన్‌గా నటిస్తున్నాడు.

పొలిటిక‌ల్ థ్రిల్లర్‌ జోనర్‌లో వస్తున్న ఈ చిత్రంలో ఎస్‌జే సూర్య, అంజలి, నవీన్‌ చంద్ర, శ్రీకాంత్‌, స‌ముద్రఖని, జ‌య‌రాయ్‌, సునీల్ ఇతర కీలక పాత్రల్లో నటిస్తున్నారు. ఈ చిత్రాన్ని శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్‌ రాజు అత్యంత భారీ బ‌డ్జెట్‌తో తెర‌కెక్కిస్తుండగా.. కార్తీక్ సుబ్బరాజు కథనందిస్తున్నారు. సాయిమాధ‌వ్ బుర్రా డైలాగ్స్ సమకూరుస్తున్నారు. తెలుగు, తమిళం, హిందీ భాషల్లో గ్రాండ్‌గా విడుదల కానున్న ఈ చిత్రానికి ఎస్‌ థమన్ సంగీతం అందిస్తున్నాడు.