సింధుకే ఐఓఏ అథ్లెట్స్‌ కమిషన్‌ పగ్గాలు
దిగ్గజ షట్లర్‌, డబుల్‌ ఒలింపిక్‌ మెడలిస్ట్‌ పీవీ సింధు పది మంది సభ్యులతో కూడిన భారత ఒలింపిక్‌ సంఘం (ఐఓఏ) అథ్లెట్స్‌ కమిషన్‌ చైర్‌పర్సన్‌గా ఏకగ్రీవంగా ఎన్నికైంది.
న్యూఢిల్లీ: దిగ్గజ షట్లర్‌, డబుల్‌ ఒలింపిక్‌ మెడలిస్ట్‌ పీవీ సింధు పది మంది సభ్యులతో కూడిన భారత ఒలింపిక్‌ సంఘం (ఐఓఏ) అథ్లెట్స్‌ కమిషన్‌ చైర్‌పర్సన్‌గా ఏకగ్రీవంగా ఎన్నికైంది. పురుషుల హాకీ జట్టు కెప్టెన్‌ హర్మన్‌ప్రీత్‌ సింగ్‌ వైస్‌ చైర్‌పర్సన్‌గా ఎంపికయ్యాడు. స్టార్‌ వెయిట్‌లిఫ్టర్‌ మీరాబాయి చాను, స్విమ్మర్‌ సాజన్‌ ప్రకాష్‌ను ఐఓఏ జనరల్‌ బాడీకి అథ్లెట్స్‌ కమిషన్‌ ప్రతినిధులుగా ఏకగ్రీవంగా ఎన్నుకున్నారు.
ఈ నాలుగు స్థానాలకు ఒక్కో నామినేషన్‌ మాత్రమే దాఖలు కావడంతో పోలింగ్‌ అవసరం లేదని రిటర్నింగ్‌ అధికారి ప్రకటించారు. ఈ నూతన కార్యవర్గం 20262030 వరకు నాలుగేండ్ల కాలానికి బాధ్యతల్లో కొనసాగనుంది. నిబంధనల ప్రకారం అథ్లెట్స్‌ కమిషన్‌ చైర్‌ పర్సన్‌, వైస్‌ చైర్‌పర్సన్‌ డిసెంబర్‌ 5న ఎన్నికయ్యే ఐఓఏ నూతన ఎగ్జిక్యూటివ్‌ కౌన్సిల్‌లో సభ్యులుగా వ్యవహరిస్తారు.
Read Today's Latest News News in Telugu and Telugu News
- Follow Us :
-
