విద్యార్థినిపై లైంగికదాడి

ప్రేమను తిరస్కరించిందనే కక్షతో డిగ్రీ విద్యార్థినిపై ఓ రాపిడో డ్రైవర్‌ లైంగికదాడికి పాల్పడ్డాడు. దుండిగల్‌ పోలీసులు తెలిపిన వివరాల ప్రకారం..నిజామాబాద్‌ జిల్లాకు చెందిన రంజాన్‌(23) అనే యువకుడు దుండిగల్‌లో నివాసముంటూ.

దుండిగల్‌, నవంబర్‌ 6: ప్రేమను తిరస్కరించిందనే కక్షతో డిగ్రీ విద్యార్థినిపై ఓ రాపిడో డ్రైవర్‌ లైంగికదాడికి పాల్పడ్డాడు. దుండిగల్‌ పోలీసులు తెలిపిన వివరాల ప్రకారం..నిజామాబాద్‌ జిల్లాకు చెందిన రంజాన్‌(23) అనే యువకుడు దుండిగల్‌లో నివాసముంటూ..రాపిడో డ్రైవర్‌గా పని చేస్తున్నాడు. ఇతడి ఇంటి సమీపంలోనే నివాసముంటున్న డిగ్రీ చదువుతున్న యువతిని కొంతకాలంగా ప్రేమ పేరుతో వేధిస్తున్నాడు. అతడిని తిరస్కరించడంతో వారం రోజులుగా బాధితురాలి వెంటాడుతూ.. భయాందోళనకు గురి చేస్తున్నాడు. ఈ క్రమంలో ఎవరూ లేని సమయంలో శుక్రవారం ఉదయం రాంజన్‌ బాధితురాలి ఇంట్లోకి చొరబడి కాళ్లు, చేతులు కట్టేసి.. ఆమెపై లైంగికదాడికి పాల్పడ్డాడు. సమీపంలోనే ఉన్న బాధితురాలి అత్త చూసి కేకలు వేయడంతో స్థానికులు నిందితుడిని పట్టుకొని దేహశుద్ధి చేసి పోలీసులకు అప్పగించారు.