భారత్‌ హెడ్‌ ఆఫ్‌ డెలిగేషన్‌గాహైదరాబాదీ షబ్బీర్‌ అలీ

భారత ఫుట్‌బాల్‌ మాజీ కెప్టెన్‌, హైదరాబాదీ షబ్బీర్‌ అలీకి అఖిల భారత ఫుట్‌బాల్‌ సమాఖ్య (ఏఐఎఫ్‌ఎఫ్‌) కీలక బాధ్యతలను అప్పగించింది.

హైదరాబాద్‌, ఆట ప్రతినిధి: భారత ఫుట్‌బాల్‌ మాజీ కెప్టెన్‌, హైదరాబాదీ షబ్బీర్‌ అలీకి అఖిల భారత ఫుట్‌బాల్‌ సమాఖ్య (ఏఐఎఫ్‌ఎఫ్‌) కీలక బాధ్యతలను అప్పగించింది. మలేషియాలోని కౌలాలంపూర్‌ వేదికగా శుక్రవారం మొదలైన ఏఎఫ్‌సీ అండర్‌-17 క్వాలిఫయర్స్‌ టోర్నీలో పాల్గొంటున్న భారత జట్టు ఆయనను హెడ్‌ ఆఫ్‌ డెలిగేషన్‌గా నియమించింది. 1970, 80వ దశకాల్లో భారత్‌ తరఫున సుమారు 100 మ్యాచ్‌లు ఆడి 30 గోల్స్‌ సాధించిన 70 ఏండ్ల షబ్బీర్‌ మొహమ్మదన్‌ స్పోర్టింగ్‌, సల్గావ్కర్‌ వంటి ప్రముఖ క్లబ్‌లకు కోచ్‌గా పనిచేశాడు. 30 ఏండ్ల తర్వాత ఒక నూతన బాధ్యతలో మళ్లీ దేశానికి సేవ చేసే అవకాశం లభించడం చాలా సంతోషంగా ఉందని షబ్బీర్‌ అన్నాడు. కాగా, ఈ క్వాలిఫయర్స్‌ టోర్నీలో భారత్‌ గ్రూప్‌-ఈ లో ఆతిథ్య మలేషియా, పాలస్తీనా, సింగపూర్‌, గువామ్‌తో కలిసి బరిలోకి దిగుతోంది.