Pareshan Movie Ott | ఓటీటీలో స్ట్రీమింగ్ అవుతున్న ‘పరేషాన్‌’.. ప్లాట్‌ఫార్మ్‌ ఏదంటే?

Pareshan Movie Ott | మసూద (Masooda) సినిమాతో బ్లాక్ బస్టర్ (Block Buster) హిట్టందుకున్నాడు నటుడు తిరువీర్ (Actor Thiruveer). ఈ యంగ్ హీరో న‌టించిన తాజా చిత్రం ‘పరేషాన్‌’. ఈ చిత్రం తాజాగా ఓటీటీలో స్ట్రీమింగ్ అవుతుంది.

Pareshan Movie Ott | నాటకరంగ అనుభవంతో వెండితెరపై తనదైన ముద్ర వేస్తున్నాడు తెలంగాణ నటుడు తిరువీర్ (Actor Thiruveer). ఈ యువకుడు ‘జార్జ్‌ రెడ్డి’, ‘పలాస’, ‘మల్లేశం’ తదితర చిత్రాలతో మంచి న‌టుడిగా గుర్తింపు తెచ్చుకుని.. ఇటీవలే మసూద (Masooda) సినిమాతో బ్లాక్ బస్టర్ (Block Buster) హిట్టందుకున్నాడు. తాజాగా ఈ యంగ్ హీరో న‌టించిన చిత్రం ‘పరేషాన్‌’. రూపక్ రొనాల్డ్‌ సన్‌ (Rupak Ronaldson) దర్శకత్వం వహించిన ఈ సినిమాకు సురేష్‌ ప్రొడక్షన్స్‌ (Suresh productions) ద్వారా ద‌గ్గుబాటి హీరో రానా (Daggubati rana) సమర్పకుడిగా వ్యవహరించారు.

తెలంగాణలోని ఓ గ్రామంలో స్నేహితుల మధ్య జరిగే సంఘటనల నేపథ్యంలో వ‌చ్చిన ఈ సినిమా ఫ‌న్ ఎంటర్ టైనర్‌గా ఆల‌రించి మంచి విజ‌యం సొంతం చేసుకుంది. ఈ చిత్రం తాజాగా ఓటీటీలో స్ట్రీమింగ్ అవుతుంది. ఈ సినిమా హక్కులను ప్ర‌ముఖ ఓటీటీ ప్లాట్ ఫాం సోనీలివ్ (SonyLiv) దక్కించుకున్న విష‌యం తెలిసిందే. కాగా నేటి నుంచి ఈ సినిమా స్ట్రీమింగ్ కానుండ‌గా.. చెప్పిన డేట్ కంటే ముందే నిన్నరాత్రి సోనీలివ్ ఈ సినిమాను విడుద‌ల చేసింది. ఈ విష‌యాన్ని తెలుపుతూ.. “ఇబ్బందులు ‘పరేషాన్‌’ అనే పేరు పెట్టుకుని వచ్చేసాయి. పల్లెటూరి జీవితంలోని హ్యాపీనెస్‌ను ఎంజాయ్ చేయండి. రానా దగుబట్టి సమర్పిస్తున్న ‘పరేషాన్‌’ ఇప్పుడు సోనీ లీవ్‌లో ప్రసారం అవుతుందంటూ” సోష‌ల్ మీడియాలో రాసుకొచ్చింది. దీనితోపాటు ఓ వీడియోను జ‌త చేసింది.

Trouble finds a new name in ‘Pareshan’! Join the craziness of village life with your mischievous buddies 😆🎥
Rana Dagubatti presents ‘Pareshan’ is streaming now on Sony LIV.#SonyLIV #Pareshan #PareshanOnSonyLIV@RanaDaggubati @iamThiruveeR @PavaniKaranam1 @imvishwadev pic.twitter.com/65Bcr80gPK

— Sony LIV (@SonyLIV) August 3, 2023

వాల్టెయిర్ ప్రొడక్షన్స్ (Waltair Productions) నిర్మించిన ఈ సినిమాకు విశ్వతేజ్‌ రాచకొండ (Vishwatej Rachakonda), సిద్ధార్థ్‌ రాళ్లపల్లి (Siddarth Rallapally) నిర్మాతలు. తిరువీర్‌కు జోడీగా ఇందులో పావని కరణం (Pavani Karanam) నటించింది. బన్నీ అభిరన్‌ (Bunny Abhiran), ముర‌ళీధ‌ర్ గౌడ్ (Balagam fame Muralidhar goud), శివరామ్, కెఎస్ఎల్ స్వామి తదితరులు ఇందులో ప్ర‌ధాన పాత్రలు పోషించారు.