NRI Died | శ్రీవారి మెట్టు న‌డ‌క మార్గంలో గుండెపోటుతో ఎన్ఆర్ఐ భ‌క్తుడు మృతి

NRI Died | తిరుమ‌ల శ్రీవారి మెట్టు నడక మార్గంలో విషాదం చోటుచేసుకుంది. ఓ భక్తుడు అక‌స్మాత్తుగా గుండెపోటుతో మృతిచెందాడు. 800వ మెట్టు వద్ద ఈ ఘటన జ‌రిగింది.

NRI Died : తిరుమ‌ల శ్రీవారి మెట్టు నడక మార్గంలో విషాదం చోటుచేసుకుంది. ఓ ఎన్ఆర్ఐ భక్తుడు అక‌స్మాత్తుగా గుండెపోటుతో మృతిచెందాడు. 800వ మెట్టు వద్ద ఈ ఘటన జ‌రిగింది. శ్రీవారి దర్శనానికి కాలినడకన వెళుతున్న ఎన్‌ఆర్‌ఐ భక్తుడు గుండెపోటు రావ‌డంతో ఒక్క‌సారిగా కుప్ప‌కూలాడు. మృతిచెందిన భక్తుడిని అమెరికాలోని న్యూజెర్సీ రాష్ట్రానికి చెందిన ఎన్‌ఆర్‌ఐ సుర్జిత్‌రెడ్డిగా గుర్తించారు.

అమెరికాలోని బోర్డెన్‌ టౌన్‌లో నివసిస్తున్న సింగిరెడ్డి సుర్జిత్‌రెడ్డి (53) కుటుంబసభ్యులతో కలిసి తిరుమలకు వెళ్లారు. మంగళవారం సాయంత్రం చంద్రగిరి మండలంలోని శ్రీవారిమెట్టు మార్గంలో నడిచి వెళుతుండగా 800వ మెట్టు వద్ద గుండెపోటు వ‌చ్చి అక్కడికక్కడే మృతిచెందారు. టీటీడీ సెక్యూరిటీ సిబ్బంది ఆయన మృతదేహాన్ని తిరుపతి రుయా ఆస్పత్రికి, అక్క‌డి నుంచి అశ్వినీ ఆస్పత్రి మార్చురీకి తరలించారు.