30 ఏండ్లుగా గృహ హింస కేసు లేదు.. క‌శ్మీర్‌లోని ఓ ఊరి క‌థ‌

గృహ హింస లేని ఊరు లేదంటే ఆశ్చ‌ర్య‌మేయ‌దు. అయితే, ఈ ఊర్లో 30 ఏండ్ల‌యినా ఒక్క కేసు కూడా న‌మోదు కాలేదంటే ఆశ్చ‌ర్యంగా ఉంది క‌దూ

April 26, 2021 / 05:36 PM IST

30 ఏండ్లుగా గృహ హింస కేసు లేదు.. క‌శ్మీర్‌లోని ఓ ఊరి క‌థ‌

శ్రీ‌న‌గ‌ర్ : గృహ హింస లేని ఊరు లేదంటే ఆశ్చ‌ర్య‌మేయ‌దు. అయితే, ఈ ఊర్లో 30 ఏండ్ల‌యినా ఒక్క కేసు కూడా న‌మోదు కాలేదంటే ఆశ్చ‌ర్యంగా ఉంది క‌దూ..! మీరు చ‌దివింది నిజ‌మే.. శ్రీనగర్ లోని గండ‌ర్బాల్‌ జిల్లాలోని అందమైన మైదానంలో ఉన్న‌ది బాబా వాయిల్ గ్రామం. ఇక్కడి ప్రజల ధర్మం కారణంగా ఈ గ్రామాన్ని ‘బడా ఘర్’ అంటారు.

ఈ గ్రామంలో పెండ్లి ఆభ‌ర‌ణాలు, కట్నం పూర్తిగా నిషేధించబడింది. ఈ గ్రామ ప్రజలు దాదాపు 3 దశాబ్దాలుగా ఈ నియ‌మాన్ని పాటిస్తున్నారు. పెండ్లి స‌మ‌యంలో వధువు లేదా వరుడికి బంగారం బహుమతిగా ఇవ్వడం వంటివి ఉండ‌వు. కుటుంబం ఎంత ధనవంతులైనా సాధార‌ణంగానే పెండ్లి వేడుక‌ల‌ను జ‌రుపాల్సి ఉంటుంది. గ్రామంలోని ధనికులు, పేదలు ఇన్నేండ్లుగా గ్రామ పెద్ద‌లు సృష్టించిన సూత్రాలకు, విలువలకు ఇప్పటికీ కట్టుబడి ఉన్నారు. వ్రాతపూర్వకంగా సిద్ధం చేసి పత్రం ప్రకారం.. వివాహంలో దుబారా పూర్తిగా నిషేధించబడింది.

ఈ గ్రామంలో ఎక్కువ మంది పాష్మినా, వాల్నట్ వ్యాపారం, వ్యవసాయం చేసే మధ్యతరగతి కుటుంబాల‌ నుంచి వచ్చారు. చాలా మంది ప్రభుత్వ రంగంలో, ప్రైవేటు సంస్థలలో పనిచేస్తున్నారు. ఎవరూ కట్నం ఇవ్వకుండా ఉండటానికి పెద్దలు నిఘా ఉంచుతారు. అన్ని కార్యక్రమాలు సాధార‌ణంగా ఉంటాయి. పెండ్లి ఖ‌ర్చుల‌ను వ‌రుడు, వ‌ధువు కుటుంబాలు స‌మానంగా భ‌రిస్తాయి. వీరి నిబంధనల ప్రకారం, కట్నం తీసుకున్నట్లు గుర్తించిన‌ట్ల‌యితే ఆయా కుటుంబాల‌ను సామాజిక బహిష్కరణ శిక్ష వేస్తారు. ఈ కుటుంబంలో ఎవ‌రైనా చ‌నిపోయినా కూడా గ్రామం నుంచి ఎవ‌రూ హాజ‌ర‌వ్వ‌రు.

30 ఏళ్లలో ఇప్పటివరకు గ్రామంలో గృహ హింస, కట్నం కేసు ఒక్కటి కూడా న‌మోదు కాలేదు. ఇదొక్కటే కాకుండా.. వరకట్నం, వివాహంలో ఖర్చుల ఒత్తిడి కారణంగా గ్రామ ప్రజలు తమ కుమార్తెలను 25 సంవత్సరాల వయస్సులోపే పెండ్లిండ్లు చేస్తున్నారు. క‌శ్మీర్‌లోని ప‌లు ప్రాంతాల్లో బాలికలకు స‌రైనా అబ్బాయిలు దొరుక‌డం లేదంటే ప‌రిస్థితి ఎలా ఉన్న‌దో అర్థం చేసుకోవ‌చ్చు, అదే బాబా వాయిల్ గ్రామం నుంచి పిల్లను ఇస్తామ‌ని ఎవ‌రైనా ముందుకు వ‌స్తే కండ్లు మూసుకుని పెండ్లి చేసుకుంటున్నారంట‌.