The Paradise | ఓటీటీలోకి ‘ది ప్యారడైజ్’.. స్ట్రీమింగ్ ఎప్పుడంటే?

The Paradise | నేచురల్ స్టార్ నాని హీరోగా, శ్రీకాంత్ ఓదెల దర్శకత్వంలో తెరకెక్కిన భారీ మాస్ యాక్షన్ డ్రామా చిత్రం ‘ది ప్యారడైజ్’.

The Paradise | నేచురల్ స్టార్ నాని హీరోగా, శ్రీకాంత్ ఓదెల దర్శకత్వంలో తెరకెక్కిన భారీ మాస్ యాక్షన్ డ్రామా చిత్రం ‘ది ప్యారడైజ్’ (The Paradise). ఇటీవ‌ల‌ థియేటర్లలో అలరించిన ఈ సినిమా ఇప్పుడు డిజిటల్ స్ట్రీమింగ్‌కు సిద్ధమైంది. ప్రముఖ ఓటీటీ వేదిక నెట్‌ఫ్లిక్స్ (Netflix) ద్వారా ఈ చిత్రం ప్రేక్షకుల ముందుకు రానుంది. ఈ సినిమా అక్టోబర్ 22 నుండి నెట్‌ఫ్లిక్స్‌లో స్ట్రీమింగ్ కానున్నట్లు చిత్ర‌బృందం ప్ర‌క‌టించింది.

థియేట్రికల్ విడుదలైన కేవలం నాలుగు వారాల వ్యవధిలోనే ఈ చిత్రం ఓటీటీలోకి వస్తుండటం విశేషం. తెలుగుతో పాటు తమిళ, కన్నడ, మలయాళ భాషల్లో ఈ చిత్రం అందుబాటులో ఉండనుంది. అలాగే 4K డాల్బీ విజన్ హెచ్‌డీఆర్ (Dolby Vision HDR), డాల్బీ డిజిటల్ ప్లస్ (Dolby Digital Plus) ఆడియో కంటెంట్ డీటెయిల్స్‌తో హై క్వాలిటీలో అలరించనుంది.

Welcome to Jadal zamana ❤️‍🔥 https://t.co/YUttNN6mzx

— Netflix India South (@Netflix_INSouth) October 18, 2026