బాలీవుడ్ నటుడు మిలింద్ సోమన్ సినిమాల కన్నా కూడా అతను చేసే వెరైటీ పనులతోనే ఎక్కువగా వార్తలలో నిలుస్తూ ఉంటాడు. అప్పట్లో ఒక సారి బీచ్లో నగ్నంగా పరుగెత్తి అందుకు సంబంధించిన ఫొటో షేర్ చేస్తూ షాకిచ్చాడు. తాజాగా నడిరోడ్డు మీద స్నానం చేసి అందుకు సంబంధించిన వీడియో షేర్ చేసి ఆశ్యర్యపరిచాడు.
షూటింగ్లో భాగంగా నడి రోడ్డు మీద స్నానం చేసిన మిలింద్.. ఓ వైపు వర్షం పడుతుండగా వేన్నీళ్లతో స్నానం చేశానని క్యాప్షన్ ఇచ్చాడు. పుషప్స్, రన్నింగ్స్తో పాటు ఇంకేదైనా చేయగలనా అని డౌట్ పడేవారికి ఈ వీడియోనే సమాధానమని పేర్కొన్నాడు. ఈ వీడియపై నెటిజన్స్ భిన్న రకాలుగా కామెంట్స్ చేస్తున్నారు.
మీరు షూటింగ్ కోసం కాకపోయిన రియల్ లైఫ్లో కూడా చేస్తారు. గత వీడియోలు చూస్తే మీరేంటో మాకు అర్ధం కాదా అంటూ కొందరు కామెంట్స్ చేస్తున్నారు. మిలింద్ టర్కీబ్, 16 డిసెంబర్, బాజీరావ్ మస్తానీ వంటి చిత్రాలతో గుర్తింపు తెచ్చుకున్నాడు. హిందీ సినిమాలతో పాటు పచ్చైకిలి, సత్యమేవ జయతే, అలెక్స్ పాండియన్ వంటి దక్షిణాది చిత్రాల్లోనూ నటించాడు.
ఐదు పదుల వయసు దాటినా ఇప్పటికీ ఫిట్గా ఉంటూ ఎంతోమందికి ఆదర్శంగా నిలుస్తున్నాడు బాలీవుడ్ నటుడు మిలింద్ సోమన్. తనకన్నా 26 ఏళ్లు చిన్నదైన అంకిత కొన్వర్ను వివాహం చేసుకుని గతంలో వార్తల్లో నిలిచాడు. 2018లో వీరి వివాహం జరిగింది.