Monalisa | మోనాలిసా భోంస్లే పెళ్లి వివాదం.. ఆరోప‌ణ‌లు ఖండించిన దర్శకుడు సనోజ్ మిశ్రా

Monalisa | ఇటీవల ప్రేమ వివాహంతో వార్తల్లో నిలిచిన మోనాలిసా భోంస్లే పేరు ఇప్పుడు మరో వివాదంతో హాట్ టాపిక్‌గా మారింది. కేరళకు చెందిన ఫర్మాన్ ఖాన్‌ను ప్రేమించి, పోలీసుల సమక్షంలో వివాహం చేసుకున్న ఆమె నిర్ణయంపై బాలీవుడ్ దర్శకుడు సనోజ్ మిశ్రా అభ్యంతరం వ్యక్తం చేయడంతో ఈ వివాదం మరింత ముదిరింది.

Monalisa | ఇటీవల ప్రేమ వివాహంతో వార్తల్లో నిలిచిన మోనాలిసా భోంస్లే పేరు ఇప్పుడు మరో వివాదంతో హాట్ టాపిక్‌గా మారింది. కేరళకు చెందిన ఫర్మాన్ ఖాన్‌ను ప్రేమించి, పోలీసుల సమక్షంలో వివాహం చేసుకున్న ఆమె నిర్ణయంపై బాలీవుడ్ దర్శకుడు సనోజ్ మిశ్రా అభ్యంతరం వ్యక్తం చేయడంతో ఈ వివాదం మరింత ముదిరింది. మోనాలిసాకు హీరోయిన్‌గా అవకాశం ఇచ్చిన సనోజ్ మిశ్రా, ఈ వివాహం చెల్లదని వ్యాఖ్యానించడంతో ఇద్దరి మధ్య విభేదాలు బయటపడ్డాయి. ఈ క్రమంలో కేరళలో జరిగిన విలేకరుల సమావేశంలో మోనాలిసా సంచలన ఆరోపణలు చేశారు. సినిమా షూటింగ్ పేరుతో తనపై సనోజ్ మిశ్రా అసభ్యంగా ప్రవర్తించాడని, తనను లైంగికంగా వేధించాడని ఆమె ఆరోపించారు.

ఇంతకుముందే ఈ విషయాన్ని తన కుటుంబానికి చెప్పినప్పటికీ, తొలి సినిమా అవకాశం కావడంతో నిశ్శబ్దంగా ఉండాలని సూచించారని మోనాలిసా తెలిపారు. ఈ ఆరోపణల నేపథ్యంలో ఆమె నటించాల్సిన ‘ది డైరీ ఆఫ్ మణిపూర్’ సినిమా నిలిచిపోయినట్లు తెలుస్తోంది. ఇక ఈ ఆరోపణలపై స్పందించిన సనోజ్ మిశ్రా, మోనాలిసా చేసిన వ్యాఖ్యలను పూర్తిగా ఖండించారు. “ఆమె కుటుంబ సభ్యులు ఇప్పటికీ నా ఇంట్లోనే ఉంటున్నారు. నేను ఆమె వివాహం చెల్లదు అని చెప్పినందుకే నాపై ఇలా ఆరోపణలు చేస్తున్నారు. నేను ఆమెకు నటన, డైలాగ్స్ అన్నీ నేర్పుతున్నప్పుడు ఎలాంటి సమస్యలు లేవు. ఒకవేళ నిజంగా ఇలాంటి ఘటన జరిగి ఉంటే, అప్పుడే ఫిర్యాదు చేసేవారు అని ఆయన అన్నారు.

అలాగే, తనపై వచ్చిన ఆరోపణలపై చట్టపరమైన చర్యలు తీసుకుంటానని స్పష్టం చేశారు. త్వరలోనే పరువు నష్టం దావా వేయనున్నట్లు వెల్లడించారు. నిజం బయటపడేందుకు నేను కోర్టును ఆశ్రయిస్తాను అని తెలిపారు. ఈ వివాదం కారణంగా సినిమా ప్రాజెక్ట్ కూడా నిలిచిపోవడంతో ఈ విష‌యం సినీ వర్గాల్లో చర్చనీయాంశంగా మారింది. మోనాలిసా ఆరోపణలు, సనోజ్ మిశ్రా కౌంటర్ వ్యాఖ్యలు ఒకదానికొకటి విరుద్ధంగా ఉండటంతో అసలు నిజం ఏమిటన్నదానిపై ఆసక్తి పెరిగింది.ఈ వివాదం ఎంతవరకు వెళ్తుందో, చట్టపరంగా ఎలాంటి పరిణామాలు చోటుచేసుకుంటాయో చూడాలి.