IPS Transfers | రాష్ట్రంలో భారీగా ఐపీఎస్‌ అధికారుల బదిలీలు.. హైదరాబాద్‌ పోలీసు కమిషనర్‌గా మహేష్‌ భగావత్‌

IPS Transfers | రాష్ట్రంలో భారీగా ఐపీఎస్‌ అధికారులను బదిలీలు చేస్తూ ప్రభుత్వం ఉత్తర్వులు జారీ చేసింది.

హైదరాబాద్‌ : రాష్ట్రంలో భారీగా ఐపీఎస్‌ అధికారులను (IPS officers) బదిలీలు చేస్తూ ప్రభుత్వం ఉత్తర్వులు జారీ చేసింది. సుమారు 21 మంది అధికారులను బదిలీలు చేయగా కొందరికి కొత్తగా పోస్టింగులు ఇచ్చింది. లా అండ్‌ ఆర్డర్‌ డీజీపీగా ఉన్న మహేష్‌ మురళీధర్‌ భగావత్‌ ను హైదరాబాద్‌ పోలీసు కమిషనర్‌గా నియమించింది.జైళ్ల సర్వీసు డీజీపీగా ఉన్న డాక్టర్‌ సౌమ్య మిశ్రాను (Soumya Mishra) మహిళా భద్రత, షీటీమ్‌ డీజీపీగా నియమిస్తూ ఉత్తర్వులు జారీ చేసింది.

హోంగార్డ్సు డీజీపీగా ఉన్న స్వాతిలక్రాను జైళ్లశాఖ డీజీపీగా,  సీఐఈడీ డీజీపీగా ఉన్న చారు సిన్హాను ఏసీబీ డీజీగా, గ్రేహూండ్స్‌ డీజీగా ఉన్న అనిల్‌కుమార్‌ను టీజీఆర్టీసీ వైఎస్‌ చైర్మన్‌గా, వీపీ సజ్జనార్‌ను అగ్నిమాపక, డీఆర్‌ఎఫ్‌ డీజీగా బదిలీ చేసింది. సివిల్‌ సప్లై కమీషనర్‌గా పనిచేస్తున్న వై నాగిరెడ్డికి పూర్తి బాధ్యతలతో పాటు వైస్‌చైర్మన్‌గా , ఎండీగా అదే శాఖకు నియమించింది .