Visit:
అగ్రహీరో రామ్‌చరణ్‌ నటిస్తున్న అత్యంత ప్రతిష్టాత్మక పాన్‌ ఇండియా ప్రాజెక్ట్‌ ‘పెద్ది’. ‘ఉప్పెన’ఫేం బుచ్చిబాబు సానా దర్శకత్వంలో వెంకట సతీష్‌ కిలారు నిర్మిస్తున్న ఈ చిత్రం షూటింగ్‌ శరవేగంగా జరుగుతున్నది. ప్రస్తుతం భారీ యాక్షన్‌ నైట్‌ సీక్వెన్స్‌ను షూట్‌ చేస్తున్నారు. ఈ సందర్భంగా ఈ సినిమా డీవోపీ రత్నవేలు ‘పెద్ది’ సెట్స్‌ నుంచి పవర్‌ఫుల్‌ మూమెంట్‌ను షేర్‌ చేశారు. గ్లోబల్‌స్టార్‌ రామ్‌చరణ్‌తో భారీ నైట్‌ యాక్షన్‌ సీక్వెన్స్‌ని చిత్రీకరిస్తున్నట్టు సోషల్‌ మీడియాలోని తన వ్యక్తిగత ఖాతా ద్వారా ఆయన తెలియజేశారు.
ఈ సందర్భంగా ఆయన షేర్‌ చేసిన స్టిల్‌లో రామ్‌చరణ్‌ ఇంటెన్స్‌, అండ్‌ బీస్ట్‌ మోడ్‌లో కనిపిస్తున్నారు. ప్రస్తుతం ఈ స్టిల్‌ ఓ రేంజ్‌లో వైరల్‌ అవుతున్నది. వచ్చే ఏడాది మార్చి 27న సినిమా విడుదల కానుంది. జాన్వీ కపూర్‌ కథానాయికగా నటిస్తున్న ఈ చిత్రంలో శివరాజ్‌కుమార్‌, జగపతిబాబు, దివ్యేందుశర్మ కీలక పాత్రధారులు. ఈ చిత్రానికి సంగీతం: ఏ.ఆర్‌.రెహ్మాన్‌, సమర్పణ: మైత్రీ మూవీమేకర్స్‌, సుకుమార్‌ రైటింగ్స్‌, నిర్మాణం: వృద్ధి సినిమాస్‌.
