Kushi Movie Trailer | విజయ్ దేవరకొండ (VD), సమంత (Samantha) జంటగా నటిస్తున్న తాజా చిత్రం ‘ఖుషి (Kushi)’. నిన్ను కోరి, మజిలీ, టక్ జగదీష్ చిత్రాల ఫేమ్ శివ నిర్వాణ (Shiva nirvana) ఈ చిత్రానికి దర్శకుడు. మైత్రీ మూవీ మేకర్ సంస్థ నిర్మిస్తున్నది. ఈ సినిమా చిత్రీకరణ పూర్తికాగా.. సెప్టెంబర్ 1న ప్రేక్షకుల ముందుకురానుంది. ఈ నేపథ్యంలో ప్రచార కార్యక్రమాలను ముమ్మరం చేశారు. ఇప్పటికే మేకర్స్ ఈ సినిమా నుంచి విడుదల చేసిన ఫస్ట్ లుక్, మోషన్ పోస్టర్తోపాటు ‘నా రోజా నువ్వే’ ‘ఆరాధ్య’ ‘ఖుషి’ అంటూ సాగే పాటలకు సోషల్మీడియాలో మంచి స్పందన లభిస్తున్నది. ఇదిలా ఉండగా.. తాజాగా ఈ సినిమా ట్రైలర్ అప్డేట్ను మేకర్స్ ప్రకటించారు.
ఎప్పుడెప్పుడా అని విజయ్, సమంత ఫ్యాన్స్ వేయి కళ్లతో ఎదురు చేస్తున్న ట్రైలర్ అప్డేట్ వచ్చేసింది. ఆగష్టు 09న ఈ సినిమా ట్రైలర్ను రిలీజ్ చేయబోతున్నట్లు విజయ్ దేవరకొండ సోషల్ మీడియాలో వెల్లడించాడు. ఈ ట్రైలర్ 2 నిమిషాల 41 సెకన్ల నిడివి ఉందంటూ విజయ్ ట్విట్టర్లో తెలిపాడు. అంతకుముందు ఈ సినిమా థియేట్రికల్ ట్రైలర్కు సీబీఎఫ్సీ (CBFC) ‘యూ’ సర్టిఫికేట్ ఇచ్చినట్లు విజయ్ తెలిపిన విషయం తెలిసిందే.
It’s here. This Aug 9th.
2 mins 41 secs of #KushiTrailer ❤️#Kushi Releasing worldwide September 1! pic.twitter.com/g4B9fuZNiv— Vijay Deverakonda (@TheDeverakonda) August 7, 2023
కాశ్మీర్ బ్యాక్గ్రాప్లో తెరకెక్కుతున్న ఈ సినిమాను మైత్రీ మూవీ మేకర్స్ సంస్థ నిర్మిస్తుంది. విజయ్కు జోడీగా సమంత నటిస్తుంది. నిజానికి ఈ సినిమా రెండు నెలల ముందే విడుదల కావాల్సి ఉంది. కానీ సమంత మయోసైటిస్ వ్యాధి బారిన పడటంతో షూటింగ్ ఆలస్యమైంది. దాంతో ఈ సినిమా రిలీజ్ను సెప్టెంబర్కు పోస్ట్ పోన్ చేశారు. జయరాం, సచిన్ ఖేడేకర్, మురళీశర్మ తదితరులు నటిస్తున్న ఈ చిత్రానికి సినిమాటోగ్రఫీ: జి.మురళి, నిర్మాతలు: నవీన్ యెర్నేని, రవిశంకర్ యలమంచిలి.