వరుసగా రివర్‌బోర్డుల సమావేశాలు

కృష్ణా, గోదావరి రివర్‌ మేనేజ్‌మెంట్‌ బోర్డుల సమావేశాలు వరుసగా కొనసాగనున్నాయి. ఈ నెల 26వ తేదీన కేఆర్‌ఎంబీ 21వ బోర్డు మీటింగ్‌ కొనసాగనుండగా, 30వతేదీన జీఆర్‌ఎంబీ 18వ బోర్డు మీటింగ్‌ నిర్వహించనున్నారు. ఇప్పటికే ఇరు రాష్ర్టాలకు ఆయా బోర్డులు సమాచారం ఇవ్వడంతోపాటు, మీటింగ్‌ ఎజెండాలను సైతం పంపాయి. ప్రధానంగా కేఆర్‌ఎంబీ మీటింగ్‌లో నీళ్లవాటా అంశంపై చర్చ కొనసాగనున్నది.

• 26న కేఆర్‌ఎంబీ.. 30న జీఆర్‌ఎంబీ

హైదరాబాద్‌, అక్టోబర్‌ 21 (నమస్తే తెలంగాణ): కృష్ణా, గోదావరి రివర్‌ మేనేజ్‌మెంట్‌ బోర్డుల సమావేశాలు వరుసగా కొనసాగనున్నాయి. ఈ నెల 26వ తేదీన కేఆర్‌ఎంబీ 21వ బోర్డు మీటింగ్‌ కొనసాగనుండగా, 30వతేదీన జీఆర్‌ఎంబీ 18వ బోర్డు మీటింగ్‌ నిర్వహించనున్నారు. ఇప్పటికే ఇరు రాష్ర్టాలకు ఆయా బోర్డులు సమాచారం ఇవ్వడంతోపాటు, మీటింగ్‌ ఎజెండాలను సైతం పంపాయి. ప్రధానంగా కేఆర్‌ఎంబీ మీటింగ్‌లో నీళ్లవాటా అంశంపై చర్చ కొనసాగనున్నది. ఇరు రాష్ర్టాలు ఏ నిష్పత్తిలో జలాలు వినియోగించుకోవాలనే అంశంపై చర్చ కొనసాగనున్నది. అదేవిధంగా ఇరు బోర్డుల నిర్వహణకు చెల్లించాల్సిన నిధులపై కూడా సమావేశంలో చర్చించనున్నారు. సమావేశాల్లో తెలంగాణ, ఆంధ్రప్రదేశ్‌ రాష్ట్రాలకు చెందిన సెక్రటరీలు, ఇరిగేషన్‌శాఖ ఉన్నతాధికారులు, ఇంజినీర్లు పాల్గొననున్నారు.