Mumbai | మైనర్‌ బాలికపై కరాటే శిక్షకుడి లైంగిక వేధింపులు

Mumbai | ఓ మైనర్‌ బాలికపై లైంగిక వేధింపులకు పాల్పడ్డాడు కరాటే శిక్షకుడు. ముంబై పోలీసులు దీనిపై విచారణ చేపట్టారు. మరింత మంది బాధితులు ఉండే అవకాశంపై దర్యాప్తు చేపట్టారు.

Mumbai | ముంబైలోని SNDT ఉమెన్స్‌ కాలేజీలో కరాటే ఇన్‌స్ట్రక్టర్‌గా మహేశ్‌ నవాలే పనిచేస్తున్నాడు. ఓ మైనర్‌ విద్యార్థినిని లైంగికంగా వేధిస్తున్నాడని ఆరోపణలు రావడంతో ముంబైలోని కుర్లా పోలీసులు కేసు నమోదు చేసి అరెస్ట్‌ చేశారు. మహేశ్‌ ఆ కాలేజీతో పాటు మాతుంగా, చూనాభట్టి, సియోన్‌ ప్రాంతాల్లో కూడా కరాటే శిక్షణ ఇస్తున్నాడు. దీంతో అక్కడ కూడా ఎవరైనా బాధితులు ఉన్నారేమోనని పోలీసులు విచారిస్తున్నారు.

2007 నుంచే విద్యార్థినులను లైంగికంగా వేధిస్తున్నాడని (Sexually Assaulting) పలువురు ఆరోపిస్తున్నారు. అప్పటి నుంచి ఎక్కడెక్కడ కరాటే శిక్షణ ఇచ్చిన విషయాలపై ఆరా తీస్తున్నారు. దర్యాప్తునకు సంబంధించిన వివరాలు పోలీసులు వెల్లడించలేదు. అతడిపై ఆరోపణలు రుజువు కావాల్సి ఉంది. బాధితులు ఎవరైనా ఉంటే ముందుకు రావాలని పోలీసులు కోరుతున్నారు.