తేడాలు మరచి కలిసి సాగుదాం : కమలా హారిస్‌ హోలీ సందేశం

హోలీ పర్వదినాన్ని పురస్కరించుకుని అమెరికా ఉపాధ్యక్షురాలు కమలా హారిస్ ప్రజలకు శుభాకాంక్షలు తెలిపారు.

వాషింగ్టన్ : హోలీ పండుగను దేశవ్యాప్తంగా ఉత్సాహంగా జరుపుకుంటున్నారు. ఈ రంగుల పండుగను జరుపుకోవడంపై ఇతర దేశాలలో కూడా ఉత్సాహం చూపుతున్నారు. హోలీ పర్వదినాన్ని పురస్కరించుకుని అమెరికా ఉపాధ్యక్షురాలు కమలా హారిస్ ప్రజలకు శుభాకాంక్షలు తెలిపారు.

ఈ రంగుల పండుగ సందర్భంగా తేడాలను మరచిపోయి కలిసి సాగుదాం అని ఒక వీడియో సందేశంలో కమలా హారిస్‌ పేర్కొన్నారు. ఈ పండుగ సానుకూలతకు ప్రతీక అని కూడా ఆమె అన్నారు.

‘హ్యాపీ హోలీ! ప్రియమైనవారికి వర్తించే శక్తివంతమైన రంగులకు ప్రసిద్ది చెందింది. ఆనందంతో నిండిన హోలీ అందరికీ అనుకూలతకు చిహ్నంగా ఉన్నది. హోలీ రంగుల్లో మాదిరిగానే మనం కూడా తేడాలను మరచిపోయి కలిసి సాగుదాం అంటూ ఎంతో అర్ధమున్న శుభాకాంక్షలను కమలా హారిస్‌ తన వీడియో సందేశం ద్వారా తెలిపారు.

హోలీ శుభ సందర్భంగా ప్రధాని మోదీతోపాటు భారత ప్రజలకు ఆస్ట్రేలియా ప్రధానమంత్రి స్కాట్ మోరిసన్ కూడా శుభాకాంక్షలు తెలిపారు. ఆదివారం నాడు ట్విట్టర్‌లో ఒక వీడియోను స్కాట్‌ మోరిసన్‌ షేర్‌ చేశారు.

మరోవైపు, పొరుగు దేశ ప్రధాని ఇమ్రాన్ ఖాన్ కూడా హోలీ పర్వదినం సందర్భంగా హిందూ సమాజాన్ని అభినందించారు. ‘రంగుల పండుగ అయిన హోలీ సందర్భంగా మా హిందూ సమాజానికి శుభాకాంక్షలు’ అని ఇమ్రాన్‌ఖాన్‌ ట్విట్టర్‌లో పోస్ట్‌ పెట్టారు.

ఇవి కూడా చదవండి..

చైనాలో చిక్కుకున్న ‘ఎవర్‌ గివెన్‌’ ట్రాలీ.. నిలిచిన ట్రాఫిక్‌

అగ్రి చట్టాలను మంటల్లో వేసి రైతుల ‘హోలీ కా దహన్‌’

చైనాలో బయటపడిన టెర్రకోట ఆర్మీ.. చరిత్రలో ఈరోజు

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌, టెలిగ్రామ్‌ ను ఫాలో అవండి..