జాన్వీ టాలీవుడ్‌లోకి తప్పకుండా వస్తుంది

తమిళ అగ్ర కథానాయకుడు అజిత్‌కుమార్‌ నటిస్తున్న కొత్త సినిమా ‘వలీమై’. హ్యూమా ఖురేషి నాయికగా కనిపించనుంది. జీ స్టూడియోస్‌, బే వ్యూ ప్రాజెక్ట్స్‌ పతాకాలపై బోనీకపూర్‌ నిర్మించారు. హెచ్‌ వినోద్‌ దర్శకత్వం వహించారు. ఐవీవై ప్రొడక్షన్స్‌లో గోపీచంద్‌ ఇనుమూరి తెలుగులో ఈ చిత్రాన్ని విడుదల చేస్తున్నారు. తాజాగా ‘వలీమై’ సినిమా ప్రీ రిలీజ్‌ కార్యక్రమాన్ని హైదరాబాద్‌ లో నిర్వహించారు. ఈ సందర్భంగా నిర్మాత బోనీకపూర్‌ మాట్లాడుతూ…“మనవూరి పాండవులు’ సినిమా హిందీ రీమేక్‌తో నిర్మాతగా నా ప్రస్థానం మొదలైంది. అజిత్‌తో ‘కాదల్‌ కోటై’, ‘వాలి’ చిత్రాలు నిర్మించాను. ‘వలీమై’ మూడో సినిమా. అజిత్‌, దర్శకుడు వినోద్‌ మంచి సినిమాను ఇచ్చేందుకు ఎంతైనా శ్రమిస్తారు. ఈ చిత్రంలో కార్తికేయ నటన ఆకట్టుకుంటుంది. మీకు కొత్త అనుభూతిని కలిగించే చిత్రమవుతుంది. జాన్వీ కపూర్‌ త్వరలోనే తెలుగు తెరకు పరిచయం అవుతుంది’ అన్నారు.