ఏపీ నుంచి వ‌చ్చిన ఉద్యోగుల‌కు అడ్‌హ‌క్ జీతాలు, ఉత్త‌ర్వులు జారీ

ఆంధ్ర‌ప్ర‌దేశ్ నుంచి వ‌చ్చి తెలంగాణ‌లో రిపోర్ట్ చేసిన ఉద్యోగుల‌కు అడ్‌హ‌క్ జీతాలు చెల్లించాల‌ని తెలంగాణ ప్ర‌భుత్వం నిర్ణ‌యించింది. ఈ మేరకు శ‌నివారం ఉత్త‌ర్వులు జారీ చేశారు

May 22, 2021 / 09:20 PM IST

ఏపీ నుంచి వ‌చ్చిన ఉద్యోగుల‌కు అడ్‌హ‌క్ జీతాలు, ఉత్త‌ర్వులు జారీ

హైద‌రాబాద్ , న‌మ‌స్తే తెలంగాణ : ఆంధ్ర‌ప్ర‌దేశ్ నుంచి వ‌చ్చి తెలంగాణ‌లో రిపోర్ట్ చేసిన ఉద్యోగుల‌కు అడ్‌హ‌క్ జీతాలు చెల్లించాల‌ని తెలంగాణ ప్ర‌భుత్వం నిర్ణ‌యించింది. ఈ మేరకు శ‌నివారం ఉత్త‌ర్వులు జారీ చేశారు. అక్క‌డి నుంచి వ‌చ్చి ఇక్క‌డ జాయిన్ అయిన‌వారికి నెల‌కు రూ.30 వేల చొప్పున అడ్‌హ‌క్ జీతం ఇవ్వనున్నారు. ఇలా ఇక్క‌డ జాయినింగ్ రిపోర్ట్ ఇచ్చిన వారు 491 మంది ఉన్నారు.

రాష్ట్ర విభ‌జ‌న స‌మ‌యంలో తెలంగాణ‌కు చెందిన ప‌లువురు ఉద్యోగులు ఆంధ్ర‌ప్ర‌దేశ్‌కు కేటాయించారు. విభ‌జ‌న జ‌రిగిన స‌మ‌యం నుంచి త‌మ‌ను తెలంగాణ‌కు తీసుకెళ్లాలంటూ క్లాస్ -3 (116 మంది) , క్లాస్-4 (582 మంది) తెలంగాణ ప్ర‌భుత్వానికి విన్న‌వించుకున్నారు. దాంతో ఈ విష‌యాన్ని తెలంగాణ ప్ర‌భుత్వం.. ఏపీ ప్ర‌భుత్వం దృష్టికి తీసుకెళ్ల‌డంతో.. వారిని తెలంగాణ‌కు కేటాయిస్తూ గ‌త మార్చి నెల‌లో ఉత్త‌ర్వులు జారీ చేశారు. అయితే, ఏప్రిల్ 17 నుంచి మే 19 వ తేదీ వ‌ర‌కు 491 మంది డైరెక్ట‌ర్ ఆఫ్ ట్రెజ‌రీస్ అండ్ అకౌంట్స్ వ‌ద్ద జాయినింగ్ రిపోర్ట్ ఇచ్చారు. వీరికి జాయిన్ అయిన రోజు నుంచి నెల‌కు రూ.30 వేల చొప్పున అడ్‌హ‌క్ జీతం చెల్లించాల‌ని తెలంగాణ ప్ర‌భుత్వం ఉత్త‌ర్వులు జారీ చేసింది. మిగిలిన జీత‌భ‌త్యాల‌ను రెగ్యుల‌ర్ ఉద్యోగాల్లో చేరిన త‌ర్వాత చెల్లిస్తామ‌ని పేర్కొన్న‌ది.