ఎగిరే యంత్రానికి రైట్ బ్ర‌ద‌ర్స్‌కు పేటెంట్‌.. చ‌రిత్ర‌లో ఈరోజు

ప్ర‌స్తుతం గ‌గ‌న విహారం చేస్తున్న ఎన్నో విమానాలు, హెలికాప్ట‌ర్ల‌కు ఆద్యులు రైట్ బ్ర‌ద‌ర్స్‌. వీరు చేసిన సాహ‌స కార్యాలు, ప‌రిశోధ‌న‌ల కార‌ణంగానే దూర‌తీరాలు ద‌గ్గ‌ర‌వుతున్నాయి. 115 సంవత్సరాల క్రితం రైట్ బ్రదర్స్ తాము క‌నిపెట్టిన‌ ఎగిరే యంత్రానికి స‌రిగ్గా ఇదే రోజున‌ పేటెంట్ వచ్చింది.

May 22, 2021 / 01:21 PM IST

ఎగిరే యంత్రానికి రైట్ బ్ర‌ద‌ర్స్‌కు పేటెంట్‌.. చ‌రిత్ర‌లో ఈరోజు

ప్ర‌స్తుతం గ‌గ‌న విహారం చేస్తున్న ఎన్నో విమానాలు, హెలికాప్ట‌ర్ల‌కు ఆద్యులు రైట్ బ్ర‌ద‌ర్స్‌. వీరు చేసిన సాహ‌స కార్యాలు, ప‌రిశోధ‌న‌ల కార‌ణంగానే దూర‌తీరాలు ద‌గ్గ‌ర‌వుతున్నాయి. 115 సంవత్సరాల క్రితం రైట్ బ్రదర్స్ తాము క‌నిపెట్టిన‌ ఎగిరే యంత్రానికి స‌రిగ్గా ఇదే రోజున‌ పేటెంట్ వచ్చింది. అయితే, ఈరోజున మ‌రో విషాదం కూడా జ‌రిగింది. 11 సంవత్సరాల క్రితం క‌ర్ణాట‌క‌లోని మంగుళూరులో ఇండియ‌న్ ఎయిర్‌లైన్ విమానానికి జరిగిన ఘోర ప్రమాదంలో 158 మంది అసువులు బాసారు.

రైట్ సోదరులు ఓర్విల్లే, విల్బర్ .. ఇద్దరు అమెరికన్ అన్నదమ్ములు. వీరు ప్రపంచపు మొట్టమొదటి భారీ యాంత్రిక విమానాన్ని కనిపెట్టి నిర్మించారు. దానిని 1903 డిసెంబరు 17 న విజయవంతంగా గాలిలో ఎగిరించారు. 1905 నుంచి 1907 వరకు ఈ సోదరులు ప్లయింగ్ యంత్రాన్ని తొలి ఆచరణాత్మక స్థిర వింగ్ విమానంగా అభివృద్ధి పరచారు. అమెరికాలోని రైట్ సోదరులు తమ ఎగిరే యంత్రానికి 1906 మే 22 న‌ పేటెంట్ పొందారు.

ఇంత‌టి ఘ‌న కార్యం సాధించిన రోజునే భార‌త‌దేశంలోని మంగ‌ళూరులో ఘోర ప్ర‌మాదం సంభ‌వించింది. ఎయిర్ ఇండియా విమానం దుబాయ్ నుంచి మంగ‌ళూరుకు 2008 మే 22న‌ బ‌య‌ల్దేరింది. అయితే ల్యాండింగ్ స‌మంయ‌లో రాయిని ఢీకొట్ట‌డంతో అగ్నిప్ర‌మాదం సంభ‌వించి విమానంలో ఉన్న 158 మంది అగ్నికి ఆహుత‌య్యారు. కేవ‌లం ఎనిమిది మందే ప్రాణాల‌తో బ‌య‌ట‌ప‌డ్డారు.

ఈ ప్రమాదంపై దర్యాప్తు చేప‌ట్టిన‌ డైరెక్టర్ జనరల్ సివిల్ ఏవియేషన్ (డీసీజీఏ).. ప్ర‌మాదానికి పైలట్‌ను కార‌కుడిగా తేల్చింది. కో-పైలట్ హెచ్ఎస్ అహ్లువాలియా విమానం తప్పు మార్గంలో వెళ్తున్నట్లు పైల‌ట్ గ్లూసికాకు హెచ్చరించినా పట్టించుకోలేదు. ప్రమాదానికి కొన్ని సెకన్ల ముందు రికార్డింగ్‌లో అహ్లువాలియా చివరి మాట‌లు న‌మోద‌య్యాయి, దానిని బ‌ట్టి ప్ర‌మాదానికి పైల‌ట్ ప్ర‌దాన కార‌కుడని తేల్చారు.\