వ్యాక్సినేషన్‌లో భారత్‌ రికార్డు.. 99 రోజుల్లో 14 కోట్ల డోసుల పంపిణీ

వ్యాక్సినేషన్‌లో భారత్‌ రికార్డు | కొవిడ్‌ వ్యాక్సినేషన్‌లో భారత్‌ రికార్డు సాధించింది. ప్రపంచంలోనే వేగంగా టీకాలు పంపిణీ చేస్తున్న దేశాల్లో భారత్​ అగ్రస్థానంలో నిలిచింది.

న్యూఢిల్లీ : కొవిడ్‌ వ్యాక్సినేషన్‌లో భారత్‌ రికార్డు సాధించింది. ప్రపంచంలోనే వేగంగా టీకాలు పంపిణీ చేస్తున్న దేశాల్లో భారత్​ అగ్రస్థానంలో నిలిచింది. కేవలం 99 రోజుల్లోనే 14 కోట్ల వ్యాక్సిన్ డోసులు​ అందించడం ద్వారా ఈ ఘనత సాధించినట్లు కేంద్రం పేర్కొంది. శనివారం రాత్రి రాత్రి 8 గంటల వరకు దేశవ్యాప్తంగా 14,08,02,794 మోతాదులు పంపిణీ చేసినట్లు కేంద్ర కుటుంబ, ఆరోగ్యమంత్రిత్వశాఖ తెలిపింది. ఇందులో 92.89లక్షల మంది హెల్త్‌ కేర్‌ వర్కర్లకు మొదటి డోసు, 59.94లక్షల మందికి రెండో డోసు, ఫ్రంట్‌లైన్‌ వర్కర్లకు 1.19 మొదటి మోతాదు, 62.77లక్షల డోసులు రెండో మోతాదు అందించినట్లు చెప్పింది. 45-60 వయస్సు వారికి 4.76 కోట్లు మొదటి డోసు, 23.22 మందికి రెండో మోతాదు అందించినట్లు చెప్పింది.

60 ఏళ్లు పైబడిన వ్యక్తుల్లో 4.96 కోట్ల మందికి మొదటి డోసు, 77.02లక్షల మందికి రెండో డోసు వేసినట్లు వివరించింది. ప్రపంచంలోనే తొలిసారిగా మెగా టీకా డ్రైవ్‌ దేశంలో ఈ ఏడాది జనవరి 16న ప్రారంభమైన విషయం తెలిసిందే. మొదట హెల్త్‌ కేర్‌ వర్కర్‌ ఆ తర్వాత ఫ్రంట్‌లైన్‌ వర్కర్లు, వృద్ధులకు ప్రాధాన్యం ఇచ్చింది. అనంతరం 45 ఏళ్లుపైబడి దీర్ఘకాలిక సంబంధ వ్యాధులతో బాధపడుతున్న వారికి వ్యాక్సిన్‌ వేస్తూ వస్తోంది. మే ఒకటో తేదీ నుంచి 18 ఏళ్లుపైబడిన వారికి టీకాలు వేయనుంది. ప్రస్తుతం దేశంలో కొవిషీల్డ్‌, కొవాగ్జిన్‌ వ్యాక్సిన్లను అత్యవసర వినియోగం కింద కేంద్రం వినియోగిస్తోంది. తాజాగా స్పుత్నిక్‌ వీ, జైడస్‌ క్యాడిలా ‘విరాఫిన్‌’ వ్యాక్సిన్‌కు డీసీజీఐ అనుమతి ఇచ్చింది. ఈ రెండు వ్యాక్సిన్లు సైతం అందుబాటులోకి వస్తే టీకా పంపిణీ మరింత వేగవంతం కానున్నది.

ఇవికూడా చదవండి..

సుప్రీం కోర్టు జడ్జి మోహన్‌ ఎం శాంతనగౌడర్‌ కన్నుమూత

నర్సింగ్‌ కళాశాలలో 93 మంది విద్యార్థులకు పాజిటివ్‌

తిరుపతిలో జనంపైకి దూసుకెళ్లిన బస్సు.. ఒకరు మృతి

కరోనా ఐసోలేషన్‌ వార్డులుగా రైల్వే బోగీలు.. అందుబాటులో 3,816 కోచ్‌లు

జూన్‌కల్లా సాధారణ స్థాయికి!

ఆక్సిజన్‌ కావాలా.. మొక్క నాటండి!

రిస్క్‌ చేశారు.. అందుకే తక్కువ ధర

వైరస్‌తో ఎంత వినాశనమో.. భారత్‌ను చూస్తే తెలుస్తుంది

శ్రీలంకలో ప్రమాదకర కొత్త కరోనా