కొబ్బరన్నం తయారీకి కావలసిన పదార్థాలు
బియ్యం: ఒక కప్పు, పచ్చికొబ్బరి తురుము: పావుకప్పు, జీడిపప్పు: పది, ఎండు మిర్చి: నాలుగు, పచ్చిమిర్చి: మూడు, కరివేపాకు: రెండు రెబ్బలు, దాల్చిన చెక్క: అంగుళం ముక్క, లవంగాలు: ఆరు, నెయ్యి: రెండు టేబుల్ స్పూన్లు, జీలకర్ర, ఆవాలు: అర టీస్పూన్ చొప్పున, పల్లీలు, శనగపప్పు,
మినుపపప్పు: ఒక టీస్పూన్ చొప్పున, ఉప్పు: తగినంత.
కొబ్బరన్నం తయారీ విధానం
బియ్యాన్ని బాగా కడిగి రెండు కప్పుల నీళ్లుపోసి అరగంట నానబెట్టాలి. స్టవ్పై పాన్పెట్టి ఒక టీస్పూన్ నెయ్యివేసి వేడయ్యాక దాల్చిన చెక్క, లవంగాలు వేయించి నానబెట్టిన బియ్యంలో వేసి.. కుక్కర్లో మూడు విజిల్స్ వచ్చే వరకు ఉడికించాలి. స్టవ్మీద పాన్పెట్టి ఒక టేబుల్ స్పూన్ నెయ్యివేసి వేడయ్యాక జీలకర్ర, ఆవాలు, కరివేపాకు, జీడిపప్పు, పల్లీలు, శనగపప్పు, మినుపపప్పు, ఎండుమిర్చి, పచ్చిమిర్చి చీలికలు వేయాలి. అన్నీ బాగా వేగాక కొబ్బరి తురుము జోడించి మూడు నిమిషాలపాటు వేయించాలి. బాగా వేగిన కొబ్బరి మిశ్రమాన్ని ఉడికించిన అన్నంలో కుమ్మరించి తగినంత ఉప్పు వేసి బాగా కలుపుకొంటే నోరూరించే కొబ్బరన్నం సిద్ధం.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Follow us on Google News
Badam Halwa recipe | బాదాం హల్వా తయారీ విధానం”
Cucumber Dosa recipe | కీరా దోసె తయారీ విధానం”
Pudina Puri recipe | పుదీనా పూరి తయారీ విధానం”
Vangi bath recipe | వంగీ బాత్ తయారీ విధానం”