మాజీ స్పిన్నర్‌ హర్భజన్‌కు పుత్రోత్సాహం..
మాజీ స్పిన్నర్‌ హర్భజన్ | భారత మాజీ ఆఫ్‌ స్పిన్నర్‌, టర్బోనేటర్‌ హర్భజన్ సింగ్ రెండోసారి తండ్రయ్యాడు. అతని భార్య, నటి గీతాబస్రా శనివారం మగ బిడ్డకు జన్మనిచ్చినట్లు ట్విట్టర్‌
న్యూఢిల్లీ : భారత మాజీ ఆఫ్‌ స్పిన్నర్‌, టర్బోనేటర్‌ హర్భజన్ సింగ్ రెండోసారి తండ్రయ్యాడు. అతని భార్య, నటి గీతాబస్రా శనివారం మగ బిడ్డకు జన్మనిచ్చినట్లు ట్విట్టర్‌ ద్వారా ప్రకటించాడు. భగవంతుడి దయతో తల్లీబిడ్డా క్షేమంగా ఉన్నారని పేర్కొన్నాడు. ‘మేం చేయి పట్టుకుని నడిపించేందుకు ఓ చిన్న చేయి వచ్చింది. తన ప్రేమ బంగారం అంత విలువైనది, అద్భుతమైన బహుమతి. మా హృదయాలు సంతోషంతో నిండిపోయాయి. మా జీవితాలు పరిపూర్ణమయ్యాయి’ అంటూ భావోద్వేగంగా ట్వీట్‌ చేశాడు.
గీతాబస్రాను అక్టోబర్‌ 29, 2015లో హర్భజన్ సింగ్ వివాహం చేసుకున్నాడు. ఇప్పటికే వారికి నాలుగేళ్ల పాప హనియా ఉంది. ఈ సందర్భంగా సోషల్‌ మీడియా వేదికగా భజ్జీ దంపతులకు అభిమానుల నుంచి శుభాకాంక్షలు వెల్లువెత్తాయి. 2016లో భారత జట్టుకు దూరమైన హర్భజన్.. ప్రస్తుతం ఐపీఎల్‌-2021 సీజన్‌లో కోల్‌కతా నైట్‌రైడ్స్‌ తరఫున ఆడుతున్నాడు. త్వరలోనే తమిళ సినిమా ‘ఫ్రెండ్షిప్’తో ప్రేక్షకుల ముందుకు రానున్నాడు.
ఇవి కూడా చదవండి..
ఫైజ‌ర్‌, మోడెర్నా టీకాల‌తో.. గుండె క‌ణాల్లో వాపు
స్పేస్‌ రేస్‌.. అంతరిక్ష పర్యాటకంలో రసవత్తర పోటీ
మహమ్మారి ముప్పు తగ్గలేదు : WHO శాస్త్రవేత్త సౌమ్య స్వామినాథన్‌
ఈ నెల 22 నుంచి పార్లమెంట్‌ వద్ద నిరసనలు : రాకేశ్‌ తికాయిత్‌
ఢిల్లీలో రూ.2,500 కోట్ల విలువైన హెరాయిన్‌ పట్టివేత
Read Today's Latest News News in Telugu and Telugu News
- Follow Us :
-
