Guns & Gulaabs | ‘మహనటి’, సీతారామం చిత్రాలతో తెలుగువారికి చేరువైన మలయాళీ నటుడు దుల్కర్ సల్మాన్ (Dulquer Salman). స్త్రీ, మోనికా, ఓ మై డార్లింగ్ (Monica Oh My Darling) లాంటి మూవీలతో హిట్ కొట్టిన రాజ్ కుమార్ రావు (Raj kumar rao) లీడ్ రోల్స్లో నటిస్తోన్న సరికొత్త వెబ్సిరీస్ ‘గన్స్ అండ్ గులాబ్స్’ (Guns & Gulaabs). ఇప్పటికే ఈ సిరీస్ నుంచి ఫస్ట్ లుక్, టీజర్లు విడుదల చేయగా.. ప్రేక్షకులను విపరీతంగా ఆకట్టుకున్నాయి. తాజాగా ఈ సిరీస్కు సంబంధించిన ట్రైలర్ను మేకర్స్ విడుదల చేశారు. “ఈ విషయాన్ని తెలుపుతూ.. మీ పాన, పీస్తోల్ను రెడీ చేసుకోండి.. ఎందుకంటే దీనికన్నా ఎక్కువ రొమాన్స్, కామెడీ, యాక్షన్ ఎక్కడా దొరకదు. గన్స్ & గులాబ్స్ ఆగష్టు 18న నెట్ఫ్లిక్స్లో స్ట్రీమ్ అవుతుందంటూ”.. నెట్ఫ్లిక్స్ సోషల్ మీడియాలో రాసుకోచ్చింది.
Get your paana and pistol ready kyunki Isse zyada romance, comedy aur action aur kahin nahi milega! 🔧👩❤️💋👨🔪
Guns & Gulaabs arrives August 18th, only on Netflix 🔫🌹 pic.twitter.com/NeFAGD8B11
— Netflix India (@NetflixIndia) August 2, 2023
ట్రైలర్ గమనిస్తే.. ఈ వెబ్ సిరీస్లో స్టైలిష్ పోలీసుగా కనిపించనున్నారు దుల్కర్ సల్మాన్. ఈ స్టార్ హీరోకు ఇదే మొదటి వెబ్ సిరీస్. గులాబ్ గంజ్ అనే ప్రాంతంలో గ్యాంగ్స్టర్స్కు, పోలీసులకు మధ్య జరిగిన పోరాటం ఆధారంగా ఈ క్రైమ్ సిరీస్ను రూపొందించినట్లు ట్రైలర్ చుస్తే తెలిసిపోతుంది. పాన టిప్పు అనే పాత్రలో గ్యాంగ్స్టర్గా రాజ్ కుమార్ రావు అలరించనున్నాడు.
‘ద ఫ్యామిలీమ్యాన్’ (The Family Man), ‘ఫర్జీ’ (Farzi) లాంటి వెబ్ సిరీస్లతో సూపర్ హిట్స్ అందుకున్న దర్శకులు రాజ్ అండ్ డీకే (Raj & Dk) ఈ వెబ్సిరీస్కు దర్శకత్వం వహిస్తున్నారు. డీ2ఆర్ ఫిల్మ్స్; నెట్ఫ్లిక్స్ సంయుక్తంగా నిర్మిస్తున్న ఈ సిరీస్లో ఆదర్శ్ గౌరవ్, గుల్షన్ దేవయ్య, గౌతమ్ శర్మ తదితరులు ప్రధాన పాత్రలు పోషించారు.