IPL 2O23 | మూడో సెంచ‌రీతో చెల‌రేగిన‌ శుభ్‌మ‌న్ గిల్.. రెండోసారి ఫైన‌ల్లో గుజ‌రాత్ 

 IPL 2O23 : ఐపీఎల్ 16వ సీజ‌న్ క్వాలిఫైయ‌ర్ 2 పోరులో డిఫెండింగ్ చాంపియ‌న్ గుజ‌రాత్ టైటాన్స్ అద‌ర‌గొట్టింది. చాంపియ‌న్ ఆట‌తో వ‌రుస‌గా రెండోసారి ఫైన‌ల్‌కు దూసుకెళ్లింది. ఐదుసార్లు చాంపియ‌న్ ముంబై ఇండియ‌న్స్‌పై 62 ప‌రుగుల తేడాతో విజ‌యం సాధించింది. ఓపెన‌ర్ శుభ్‌మ‌న్ గిల్(129: 60 బంతుల్లో 7 ఫోర్లు, 10 సిక్స్‌లు) సెంచ‌రీ బాదాడు. ముంబై బ్యాట‌ర్ల‌లో సూర్య‌కుమార్ యాద‌వ్(55)ఒక్క‌డే పోరాడాడు. మోహిత్ శ‌ర్మ 5 వికెట్లు తీయ‌డంతో ముంబై 171కు ఆలౌటయ్యింది. దాంతో గుజ‌రాత్ ఆదివారం (మే 28)నాడు చెన్నై సూప‌ర్ కింగ్స్‌తో టైటిల్ పోరులో అమీతుమీ తేల్చుకోనుంది.

 IPL 2O23 : ఐపీఎల్ 16వ సీజ‌న్ క్వాలిఫైయ‌ర్ 2 పోరులో డిఫెండింగ్ చాంపియ‌న్ గుజ‌రాత్ టైటాన్స్ అద‌ర‌గొట్టింది. చాంపియ‌న్ ఆట‌తో వ‌రుస‌గా రెండోసారి ఫైన‌ల్‌కు దూసుకెళ్లింది. ఐదుసార్లు చాంపియ‌న్ ముంబై ఇండియ‌న్స్‌పై 62 ప‌రుగుల తేడాతో విజ‌యం సాధించింది. ఓపెన‌ర్ శుభ్‌మ‌న్ గిల్(129 : 60 బంతుల్లో 7 ఫోర్లు, 10 సిక్స్‌లు) సెంచ‌రీ బాదాడు. కెరీర్‌లోనే భీక‌ర ఫామ్‌లో ఉన్న అత‌ను మూడో సెంచ‌రీ కొట్టడంతో పాండ్యా సేన‌ 233 ర‌న్స్ చేసింది. ముంబై బ్యాట‌ర్ల‌లో సూర్య‌కుమార్ యాద‌వ్(55)ఒక్క‌డే పోరాడాడు. మోహిత్ శ‌ర్మ 5 వికెట్లు తీయ‌డంతో ముంబై 171కు ఆలౌటయ్యింది. దాంతో గుజ‌రాత్ ఆదివారం (మే 28)నాడు చెన్నై సూప‌ర్ కింగ్స్‌తో టైటిల్ పోరులో అమీతుమీ తేల్చుకోనుంది.

వ‌ర్షం కార‌ణంగా మ్యాచ్ ఆల‌స్యంగా ప్రారంభ‌మైంది. అయితేనేం క్వాలిఫైయ‌ర్ 2 పోరుఫ్యాన్స్‌కు కావాల్సినంత క్రికెట్ మ‌జాను ఇచ్చింది. టాస్ ఓడిన గుజ‌రాత్‌కు ఓపెన‌ర్ శుభ్‌మ‌న్ గిల్(129) భారీ స్కోర్ అందించాడు. అచ్చొచ్చిన స్టేడియంలో ఈ యంగ్‌స్ట‌ర్ రెచ్చిపోయి ఆడాడు. ఆకాశ‌మే హ‌ద్దుగా చెల‌రేగిన అత‌ను శ‌త‌కంతో ముంబై బౌల‌ర్ల‌పై విరుచుకుప‌డ్డాడు. సాయి సుద‌ర్శ‌న్(43 రిటైర్డ్ ఔట్) రాణించ‌డంతో గుజ‌రాత్ రెండు వికెట్ల న‌ష్టానికి 233 ప‌రుగులు చేసింది. ప్లే ఆఫ్స్‌లో అత్య‌ధిక‌ స్కోర్ కొట్టిన జ‌ట్టుగా రికార్డు సృష్టించింది. వృద్ధిమాన్ సాహా(18), ర‌షీద్ ఖాన్(5 నాటౌట్) హార్ధిక్ పాండ్యా(28 నాటౌట్) రాణించారు.

The 𝗙𝗜𝗡𝗔𝗟𝗜𝗦𝗧𝗦 of #TATAIPL 2023 🏆

It’s going to be the Chennai Super Kings facing the Gujarat Titans in the summit clash 🙌

BRING. IT. ON 😍 pic.twitter.com/FYBhhsN808

— IndianPremierLeague (@IPL) May 26, 2023

సూర్య ఒంటరి పోరాటం

భారీ ల‌క్ష్య ఛేద‌న‌లో ముంబైకి తొలి ఓవ‌ర్లోనే షాక్ త‌గిలింది. ఇంపాక్ట్ ప్లేయ‌ర్ నేహ‌ల్ వ‌ధేర‌(4)ను ఔట్ చేసిన ష‌మీ త‌న రెండో ఓవ‌ర్లో కీల‌క‌మైన రోహిత్ శ‌ర్మ(8)ను ఔట్ చేశాడు. దంచుతున్న‌ తిలక్ వ‌ర్మ(43)ను ర‌షీద్ ఖాన్ బౌల్డ్ చేశాడు. రిటైర్డ్ ఔట్‌గా మైదానం వీడిన‌ డేంజ‌ర‌స్ కామెరూన్ గ్రీన్(30) ఇంపాక్ట్ ప్లేయ‌ర్ జోష్ లిట‌ల్ బౌల్డ్ చేసి మ్యాచ్‌ను మ‌లుపు తిప్పాడు. ఆ త‌ర్వాత సూర్య‌కుమార్ యాద‌వ్(55) ధాటిగా ఆడాడు. అయితే.. మోహ‌త్ శ‌ర్మ ఒకే ఓవ‌ర్లో సూర్య‌, విష్ణు వినోద్‌(5)ను ఔట్ చేయ‌డంతో ముంబై క‌ష్టాల్లో ప‌డింది. టిమ్ డేవిడ్(2) విఫ‌ల‌మ‌య్యాడు. దాంతో, అప్ప‌టికే ముంబై ఓట‌మి ఖారారైంది.