IPL 2023 : పదహారో సీజన్లో ఐపీఎల్లో డిఫెండింగ్ చాంపియన్ గుజరాత్ టైటన్స్ హవా కొనసాగిస్తోంది. సొంత గ్రౌండ్లో గుజరాత్ బ్యాటర్లు శుభ్మన్ గిల్(56), అభినవ్ మనోహర్(42), డేవిడ్ మిల్లర్(46) దంచి కొట్టారు. ఆ తర్వాత బౌలర్లు చెలరేగడంతో ముంబైపై 55 పరగులు తేడాతో గెలిచింది. ముంబై వరుసగా రెండోసారి రెండొందల టార్గెట్ను ఛేదించలేక చతికిల పడింది.
భారీ లక్ష్య ఛేదనలో ముంబైకి ఆదిలోనే షాక్. కెప్టెన్ రోహిత్ శర్మ(2) హార్దిక్ పాండ్యా ఓవర్లో ఔటయ్యాడు. మొదటి నుంచి తడబడుతున్న ఇషాన్ కిషన్(13)ను పెవిలియన్ పంపిన రషీద్ ఖాన్ ఇంపాక్ట్ ప్లేయర్గా వచ్చిన తిలక్ వర్మ(2)ను ఎల్బీగా ఔట్ చేశాడు. నూర్ అహ్మద్ ఒకే ఓవర్లో కామెరూన్ గ్రీన్(30), టిమ్ డేవిడ్(0)ను ఔట్ చేయడంతో ముంబై 59 పరుగులకే 5 వికెట్లు కోల్పోయింది. గుజరాత్ బౌలర్లలో నూర్ అహ్మద్ మూడు, మోహిత్ శర్మ, రషీద్ ఖాన్ రెండు, పాండ్యా ఒక వికెట్ తీశారు.
Cameron Green ✅
Tim David ✅Further trouble for Mumbai Indians as Noor Ahmad scalps two wickets in an over 🔥🔥
Follow the match ▶️ https://t.co/PXDi4zeBoD#TATAIPL | #GTvMI pic.twitter.com/p9sJhipW1X
— IndianPremierLeague (@IPL) April 25, 2023
సొంత మైదానంలో గుజరాత్ బ్యాటర్లు రెచ్చిపోయారు. ఓపెనర్ శుభ్మన్ గిల్(56) మరోసారి హాఫ్ సెంచరీతో రాణించాడు. ఆ తర్వాత అభినవ్ మనోహర్(42), డేవిడ్ మిల్లర్(46) సిక్సర్ల మోత మోగించారు. దాంతో, గుజరాత్ 207 పరుగలు చేసింది. టాస్ ఓడి బ్యాటింగ్కు దిగిన గుజరాత్కు మూడో ఓవర్లో అర్జున్ టెండూల్కర్ షాకిచ్చాడు. తొలి బంతికే వృద్ధిమాన్ సాహా(4)ను ఔట్ చేశాడు. మూడో స్థానంలో హార్దిక్ పాండ్యా(13) విఫలమయ్యాడు. శుభ్మన్ గిల్(56) మరోసారి హాఫ్ సెంచరీతో రాణించాడు. ధాటిగా ఆడే క్రమంలో కార్తికేయ ఓవర్లో సూర్యకుమార్ క్యాచ్ పట్టడంతో వెనుదిరిగాడు. ఆ తర్వాత వచ్చిన అభినవ్ మనోహర్(42), డేవిడ్ మిల్లర్(46) దంచి కొట్టారు. ఐదో వికెట్కు 71 రన్స్ జోడించారు. రాహుల్ తెవాటియా(20) చివర్లో సిక్సర్లతో హోరెత్తించాడు. ముంబై బౌలర్లలో చావ్లా రెండు, రిలే మెరిడిత్, అర్జున్ టెండూల్కర్, జాసన్ బెహ్రన్డార్ఫ్, కార్తికేయ తలా ఒక వికెట్ తీశారు.