జూరాల కుడి కాలువకు నీటిని విడుదల చేయాలని కలెక్టరేట్‌ను ముట్టడించిన రైతులు

జూరాల కుడి కాలువకు నీటిని విడుదల చేసి పంటలు కాపాడాలని డిమాండ్ చేస్తూ సోమవారం జోగులాంబ జిల్లా కేంద్రంలోని కలెక్టరేట్‌ను రైతులు ముట్టడించారు.

జోగులాంబ గద్వాల : జూరాల కుడి కాలువకు నీటిని విడుదల చేసి పంటలు కాపాడాలని డిమాండ్ చేస్తూ సోమవారం జోగులాంబ జిల్లా కేంద్రంలోని కలెక్టరేట్‌ను రైతులు ముట్టడించారు. రైతుల బాధలను ఎవరు పట్టించుకోకపోవడంతో ర్యాలీగా జమ్మి చేయడు వద్ద మరోసారి రైతులు ఆందోళనకు వెళ్తుండగా రైతులను పోలీసులు అడ్డుకున్నారు.

జూరాల కుడికాలువకు నీటిని విడుదల చేసే వరకు ధర్నా విరమించబోమని రైతు స్పష్టం చేశారు. జూరాల డ్యాం పై కూడా రైతులు పెద్ద ఎత్తున ఆందోళన నిర్వహించారు. బీఆర్ఎస్ నాయకులను ఎక్కడికక్కడ గృహ నిర్బంధం చేయడంతో పాటు పోలీస్ స్టేషన్‌కు తరలించారు.