Epic | ‘బేబీ’ జోడీ మళ్లీ వస్తోంది.. ఆనంద్ దేవరకొండ – వైష్ణవి చైతన్య ‘ఎపిక్’ రిలీజ్ డేట్ ఫిక్స్!

Epic | 'బేబీ' సినిమాతో బ్లాక్‌బస్టర్ విజయాన్ని అందుకుని ప్రేక్షకుల హృదయాల్లో ప్రత్యేక స్థానం సంపాదించుకున్న ఆనంద్ దేవరకొండ, వైష్ణవి చైతన్య జోడీ మరోసారి వెండితెరపై సందడి చేసేందుకు సిద్ధమవుతోంది. వీరిద్దరూ కలిసి నటిస్తున్న తాజా చిత్రం 'ఎపిక్' (Epic) విడుదల తేదీని చిత్రబృందం అధికారికంగా ప్రకటించింది.

Epic | ‘బేబీ’ సినిమాతో బ్లాక్‌బస్టర్ విజయాన్ని అందుకుని ప్రేక్షకుల హృదయాల్లో ప్రత్యేక స్థానం సంపాదించుకున్న ఆనంద్ దేవరకొండ, వైష్ణవి చైతన్య జోడీ మరోసారి వెండితెరపై సందడి చేసేందుకు సిద్ధమవుతోంది. వీరిద్దరూ కలిసి నటిస్తున్న తాజా చిత్రం ‘ఎపిక్’ (Epic) విడుదల తేదీని చిత్రబృందం అధికారికంగా ప్రకటించింది. సినిమాపై ఇప్పటికే మంచి అంచనాలు నెలకొన్న నేపథ్యంలో మేకర్స్ విడుదల చేసిన ఈ అప్డేట్ అభిమానుల్లో మరింత ఉత్సాహాన్ని నింపుతోంది. తాజాగా చిత్రబృందం ప్రకటించిన వివరాల ప్రకారం, ‘ఎపిక్ – ఫస్ట్ సెమిస్టర్’ ప్రపంచవ్యాప్తంగా సెప్టెంబర్ 11న థియేటర్లలో గ్రాండ్‌గా విడుదల కానుంది.

రిలీజ్ డేట్ పోస్టర్‌ను సోషల్ మీడియాలో విడుదల చేయగా, అభిమానుల నుంచి మంచి స్పందన లభిస్తోంది. ‘ఫస్ట్ సెమిస్టర్’ అనే ట్యాగ్‌తో పోస్టర్‌ను విడుదల చేయడం సినిమాపై ఆసక్తిని మరింత పెంచుతోంది. ఈ కాన్సెప్ట్ వెనుక కథ ఏమిటన్న దానిపై కూడా చర్చ మొదలైంది. ఈ చిత్రానికి ఆదిత్య హసన్ దర్శకత్వం వహిస్తున్నారు. యువతను ఆకట్టుకునే కథ, భావోద్వేగాలతో పాటు వినోదానికి ప్రాధాన్యం ఇస్తూ సినిమాను రూపొందిస్తున్నట్లు తెలుస్తోంది. ఇప్పటికే విడుదలైన ప్రచార కార్య‌క్ర‌మాలు సినిమాపై పాజిటివ్ బజ్‌ను తీసుకొచ్చింది. ఈ చిత్రాన్ని తెలుగు సినీ పరిశ్రమలో వరుస విజయాలతో దూసుకెళ్తున్న సితార ఎంటర్‌టైన్‌మెంట్స్, శ్రీకర స్టూడియోస్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి.

ప్రముఖ నిర్మాతలు సూర్యదేవర నాగవంశీ మరియు సాయి సౌజన్య ఈ చిత్రాన్ని నిర్మిస్తున్నారు. వారి బ్యానర్ల నుంచి వస్తున్న చిత్రం కావడంతో ప్రేక్షకుల్లో అంచనాలు మరింత పెరిగాయి. యువ సంగీత దర్శకుడు అజీమ్ మొహమ్మద్ సంగీతాన్ని అందిస్తున్నారు. కథకు తగ్గట్టుగా సంగీతం, బ్యాక్‌గ్రౌండ్ స్కోర్‌ను ప్రత్యేకంగా రూపొందిస్తున్నట్లు సమాచారం. 2023లో విడుదలైన ‘బేబీ’ చిత్రం ఆనంద్ దేవరకొండ, వైష్ణవి చైతన్య కెరీర్‌లో భారీ మలుపు తీసుకొచ్చింది. వీరిద్దరి కెమిస్ట్రీకి ప్రేక్షకుల నుంచి విశేష ఆదరణ లభించింది. ఇప్పుడు అదే జోడీ మరోసారి కలిసి నటిస్తుండటంతో ‘ఎపిక్’పై సహజంగానే భారీ అంచనాలు ఏర్పడ్డాయి. ఈ సినిమాలో కూడా వీరిద్దరి మధ్య భావోద్వేగభరితమైన కథ, కొత్త తరహా పాత్రలు ఉండనున్నట్లు సినీ వర్గాల్లో ప్రచారం జరుగుతోంది. సెప్టెంబర్ 11 విడుదల తేదీ ప్రకటించడంతో ‘ఎపిక్’పై సినీ అభిమానుల్లో ఆసక్తి మరింత పెరిగింది. ‘బేబీ’ తర్వాత మరోసారి ఆనంద్ దేవరకొండ – వైష్ణవి చైతన్య జోడీ ప్రేక్షకులను ఏ స్థాయిలో ఆకట్టుకుంటుందో చూడాలని అభిమానులు ఆసక్తిగా ఎదురుచూస్తున్నారు.