Srisailam Temple | వెంటనే అంతర్గత రోడ్ల నిర్మాణాన్ని చేపట్టాలి: దేవాదాయశాఖ కమిషనర్ కే రామచంద్రమోహన్

Srisailam temple| సిబ్బంది వసతి గృహ సముదాయాలలో వెంటనే అంతర్గత రోడ్ల నిర్మాణాన్ని చేపట్టాలని ఇంజనీరింగ్ అధికారులను దేవాదాయశాఖ కమిషనర్ కే రామచంద్రమోహన్ ఆదేశించారు.

Srisailam temple| శ్రీశైల దేవస్థానం నిర్మించిన సిబ్బంది వసతిగృహాలను దేవాదాయశాఖ కమిషనర్ కే రామచంద్రమోహన్ ఈ రోజు దేవస్థానం ఇంజనీరింగ్ అధికారులతో కలిసి పరిశీలించారు.

ఈ సందర్భంగా కమిషనర్ వారు మాట్లాడుతూ.. సిబ్బంది వసతి గృహ సముదాయాలలో వెంటనే అంతర్గత రోడ్ల నిర్మాణాన్ని చేపట్టాలని ఇంజనీరింగ్ అధికారులను ఆదేశించారు. అదేవిధంగా వాహనాల పార్కింగ్‌కు కూడా తగిన ఏర్పాట్లు ఉండాలన్నారు. అంతర్గత రహదారులతో పాటు గృహ సముదాయంలో తగినంతగా వీధిలైట్లను ఏర్పాటు చేయాలన్నారు. అలాగే వసతిగృహాల పరిసరాలలో పచ్చదనం కోసం మొక్కలను నాటాలని ఆదేశించారు.

ముఖ్యంగా కదంబం, బాదం, వేప మొదలైన చెట్లను నాటేవిధంగా చర్యలు చేపట్టాలన్నారు. అదేవిధంగా వసతిగృహాల సముదాయం వద్ద చిన్న ఆలయాన్ని నిర్మించేందుకు ప్రతిపాదనలు రూపొందించాలని కూడా ఆదేశించారు. కాగా మొత్తం 3 నమూనాలలో అనగా 1 – బి.హెచ్. కె. స్మాల్, 1 – బి.హెచ్. కె. బిగ్ , 2 బి.హెచ్.కె బిగ్ పేర్లతో వీటిని దేవస్థానం నిర్మించింది.

1 – బి.హెచ్.కె స్మాల్ నందు 108 గృహాలు, 1 – బి. హెచ్. కె. బిగ్ నందు 108 గృహాలు, 2 బిహెచ్ కె నందు 81 గృహాలుగా మొత్తం 297 గృహాలు నిర్మించబడ్డాయి. ఈ పరిశీలనలో దేవాదాయశాఖ చీఫ్ ఇంజనీర్‌ జీవీఆర్ శేఖర్, దేవాదాయశాఖ స్థపతి పి పరమేశ్వరప్ప, దేవాదాయశాఖ శిల్పవిభాగపు సలహదారు ఎస్ సుందర్‌రాజన్, దేవస్థానం ఇంజనీరింగ్ అధికారులు పాల్గొన్నారు.

Read Also :

Dhurandhar | ‘ధురంధర్’ కలెక్షన్లపై పాక్ ప్రజల వింత డిమాండ్.. క‌లెక్షన్స్‌లో మాకు వాటా ఇవ్వాలి..

Nani | నాని ‘ది ప్యారడైజ్’లో డ్రాగ‌న్ బ్యూటీ.. కెరీర్‌లోనే బిగ్గెస్ట్ ప్రాజెక్ట్‌కు గ్రీన్ సిగ్నల్

Karate Kalyani | హీరోయిన్ల దుస్తులపై శివాజీ వ్యాఖ్యలు.. కరాటే కల్యాణి ఊహించ‌ని స్పంద‌న‌