New Districts | కొత్త జిల్లాల ఏర్పాటు చారిత్రాత్మక ఘట్టం.. కేసీఆర్‌ చిత్రపటానికి పాలాభిషేకం

New Districts | పాలన సౌలభ్యం కోసం కేసీఆర్‌ తీసుకున్న నిర్ణయాల్లో కొత్త జిల్లాల ఏర్పాటు చారిత్రాత్మక ఘట్టమని బీఆర్‌ఎస్‌ జిల్లా నాయకులు అన్నారు.

నాగర్ కర్నూల్ : పాలన సౌలభ్యం కోసం కేసీఆర్‌ ( KCR ) తీసుకున్న నిర్ణయాల్లో కొత్త జిల్లాల (New Districts ) ఏర్పాటు చారిత్రాత్మక ఘట్టమని బీఆర్‌ఎస్‌ ( BRS ) జిల్లా నాయకులు అన్నారు. నాగర్‌ కర్నూల్‌ జిల్లా ఏర్పడి పది సంవత్సరాలు పూర్తయిన సందర్భంగా బీఆర్‌ఎస్‌ నాయకులు ఆదివారం కేసీఆర్‌ చిత్రపటానికి పాలాభిషేకం చేశారు.

గతంలో జిల్లా కేంద్రాలకు వెళ్లాలంటే ప్రజలు ఎన్నో ఇబ్బందులు ఎదుర్కొనేవారని, దూర ప్రయాణాలు చేయాల్సి వచ్చేదని పేర్కొన్నారు. ప్రభుత్వ కార్యాలయాల చుట్టూ తిరగాల్సి వచ్చేదని, ఈ సమస్యలకు పరిష్కారంగా ప్రజలకు పరిపాలనను మరింత చేరువ చేయాలనే సంకల్పంతో నూతన జిల్లాల ఏర్పాటుకు కేసీఆర్ శ్రీకారం చుట్టారని అన్నారు.

నాగర్ కర్నూల్ ప్రాంత ప్రజల చిరకాల ఆకాంక్షను నెరవేరుస్తూ ప్రత్యేక జిల్లాను ఏర్పాటు చేయడం ద్వారా ఈ ప్రాంత అభివృద్ధికి బీఆర్ఎస్ ప్రభుత్వం బలమైన పునాది వేసిందని అన్నారు. జిల్లా ఏర్పాటులో మాజీ ఎమ్మెల్యే మర్రి జనార్దన్ రెడ్డి కృషి ఎంతగానో ఉందని వెల్లడించారు.