Delhi Police | దీప్కేకు అత‌డి నాన‌మ్మ మ‌ర‌ణ‌వార్త‌ను వెంట‌నే తెలియ‌జేశాం : ఢిల్లీ పోలీసులు

Delhi Police | కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కే (Abhijeet Dipke) కు అత‌డి నానమ్మ మరణవార్తను చెప్ప‌లేద‌న్న‌ ఆరోపణలను ఢిల్లీ పోలీసులు (Delhi Police) తోసిపుచ్చారు. ఆ విషాద వార్తను అత్యంత సున్నితంగా ఆయనకు వెంట‌నే తెలియజేశామని, అంత్యక్రియల (Last rites) కు సొంతూరు వెళ్లేందుకు ప్రయాణ ఏర్పాట్లలో సాయం చేస్తామని కూడా చెప్పామని తెలిపారు.

Delhi Police : కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కే (Abhijeet Dipke) కు అత‌డి నానమ్మ మరణవార్తను చెప్ప‌లేద‌న్న‌ ఆరోపణలను ఢిల్లీ పోలీసులు (Delhi Police) తోసిపుచ్చారు. ఆ విషాద వార్తను అత్యంత సున్నితంగా ఆయనకు వెంట‌నే తెలియజేశామని, అంత్యక్రియల (Last rites) కు సొంతూరు వెళ్లేందుకు ప్రయాణ ఏర్పాట్లలో సాయం చేస్తామని కూడా చెప్పామని తెలిపారు. ఈ మేరకు ఆదివారం పోలీసులు ఓ వీడియోను విడుదల చేశారు.

తన కుమారుడికి నానమ్మ మరణవార్తను చెప్పలేదని దీప్కే తల్లి ఈ ఉద‌యం ఆరోపించారు. సీజేపీ కూడా ఇదే తరహా ఆరోపణలు చేయడంతో డిప్యూటీ కమిషనర్ ఆఫ్ పోలీస్ నేహా యాదవ్ విలేకరుల సమావేశంలో ఈ వీడియోను మీడియాకు ప్రదర్శించారు. సమాచారం అందిన వెంటనే దీప్కేకు నానమ్మ మరణవార్త గురించి, అంత్యక్రియలు జరిగే సమయం గురించి తెలియజేశామని నేహా యాదవ్‌ చెప్పారు. మానవతా దృక్పథంతో సొంతూరు వెళ్లేందుకు అవసరమైన సాయమూ అందిస్తామని చెప్పిన‌ట్లు తెలిపారు.

కానీ త‌మ సాయాన్ని తీసుకునేందుకు అభిజీత్‌ నిరాకరించారని డీసీపీ నేహా తెలిపారు. కుటుంబసభ్యులతో మాట్లాడేందుకు కూడా అవకాశం కల్పించామన్నారు.