ఉత్సాహ ఉద్వేగ ఉష్ణోగ్ర జ్వాలా!

ఉత్సాహ ఉద్వేగ ఉష్ణోగ్ర జ్వాలా ఉత్తేజితం నీ సమరహేలా

ఉత్సాహ ఉద్వేగ ఉష్ణోగ్ర జ్వాలా
ఉత్తేజితం నీ సమరహేలా
దిగంతాల మోగుతోంది నీ విజయ గాథా
స్వరాష్ర్టాన్ని సాధించిన వీరయోధా
జనగణ మన గానం జై తెలంగాణ ధ్వానం
మిన్నంటిన గళం నీదయా!
పిడికిలెత్తినాము మేం పిడుగులమైనాము
నీ పిలుపు వింటే చాలయా!
గుండెలో తెలంగాణ గొంతులో రుద్రవీణ
సాహసం నీ పథం
ఈనేల క్రాంతి నీవే క్షాంతి నీవె శాంతి నీవయా…
॥ ఉత్సాహ ఉద్వేగ ॥
బాపూజీ భావము- అంబేద్కరు ధ్యేయమూ, మానవత్వమే నీ మతం. సహజీవన ధర్మమూ సమానతే సూత్రమూ, రాజ్యాంగమే ప్రమాణమూ..
ఆలయాల గోపురాల మసీదు మినారులా – ఆ చర్చి శిఖరం పైనా
ఎగురుతున్న పావురాల సమజీవన శృతిలోనా
సమైక్యతా రాగం లోనా
వేదమైన, ఖురానైన, బైబిలైన, గీతయైన
సకలతత్వ సారం ఒకటే…
పాడుతాం జాతిగీతం- నీ ప్రేరణే సుప్రభాతం
నీ అడుగులో అడుగులేస్తూ
ఈ దేశ జనత కొరకు సమతకోరి కదులుతామయా
॥ ఉత్సాహ ఉద్వేగ ॥
ఆరాధనలేవైనా ఆత్మజ్యోతి ఒక్కటన్న
వివేకానంద భాష్యమూ
పరివర్తన నిత్యమన్న అహింసయే ధర్మమన్న
బౌద్ధ తత్వ విశాలత్వమూ
పరమహంస యోగుల- ప్రవచనాల దారులా
సహనశీల సారథులౌతాం
పరమహింస వాదుల కుతంత్రాలు కూల్చగా
లౌకికతా వారధులౌతాం
షిరిడీ సాయిబోధ కబీరు జ్ఞానగీత-థెరీసా
మానవీయతా
ఠాగూరు గీతాంజలి-కాళోజీ కవనలహరి గాలిబ్‌ కవి షాయరీ ఝరీ
గంగ యమున కావేరి బ్రహ్మపుత్ర గోదావరి
అలల కలల పాత ఒక్కటే
భారతీయతే మనకు ప్రాణం అది
కేసీఆర్‌ హృదయనాదం
నీ ఆశకే శ్వాసలౌతాం.. నీవెంట నిలుస్తాము,
నడుస్తాము గెలుస్తామయా
॥ ఉత్సాహ ఉద్వేగ ఉష్ణోగ్ర జ్వాలా॥
రచన: డి.అభిజ్ఞ

(సీఎం కేసీఆర్‌ ముంబై పర్యటన సందర్భంగా..)