ఈ వారం బిగ్ బాస్ ఎలిమినేషన్ లో మోస్ట్ షాకింగ్ ట్విస్ట్..

November 27, 2021 / 09:07 PM IST

Anchor ravi eliminated | ప్రతివారం మాదిరే ఈ వారం కూడా బిగ్‌బాస్‌ ఎలిమినేషన్ ఆసక్తికరంగా జరిగినట్లు తెలుస్తోంది. ఇప్పటి వరకు 10 మంది సభ్యులు ఎలిమినేట్ అయ్యారు. మూడో వారం ల‌హ‌రి, ఆరో వారం శ్వేత వ‌ర్మ మిన‌హాయిస్తే దాదాపు ప్ర‌తి వారం ఊహించిన కంటెస్టెంట్స్ బ‌య‌ట‌కు వ‌చ్చారు. కానీ 12 వ వారం మాత్రం ఎవ‌రూ ఊహించని స్ట్రాంగ్ కంటెస్టెంట్ బ‌య‌ట‌కు వ‌చ్చిన‌ట్టు తెలుస్తోంది. ఆయన ఎవరో కాదు.. యాంకర్ రవి. కలలో కూడా ఊహించని విధంగా ఈ వారం ఆయన ఇంటి నుంచి బయటకు వచ్చినట్లు తెలుస్తోంది.

ఒకరోజు ముందుగానే ఎలిమినేషన్ ఎపిసోడ్ షూట్ చేస్తారు. ఈ నేపథ్యంలోనే రవి ఎలిమినేట్ అయినట్లు సోషల్ మీడియాలో ప్రచారం జరుగుతోంది. ఈయన కంటే వీక్ కంటెస్టెంట్ ఇంట్లో ప్రియాంక సింగ్ ఉంది. ఈవారం కచ్చితంగా ఆమె బయటికి వస్తుంది అని అందరూ అనుకుంటున్న తరుణంలో.. రవి ఎలిమినేట్ అవ్వడం ఈ సీజన్ మొత్తానికి అతి పెద్ద ట్విస్ట్.
యాంకర్ రవి ఆట బాగా ఆడుతున్నాడు.. పైగా స్ట్రాటజీ కూడా అదిరిపోయింది. ఆయనతో పోల్చుకుంటే ప్రియాంక సింగ్ ఏం ఆడుతుంది.. ఆమెను కాపాడాల్సిన అవసరం ఏమి వచ్చింది అంటూ సోషల్ మీడియాలో ప్రశ్నల వర్షం కురుస్తోంది. ఏదేమైనా క‌చ్చితంగా టాప్ 5లో ఉంటాడని అందరూ ఊహించిన యాంకర్ రవి.. 3 వారాల ముందుగానే ఇంటికి వచ్చేస్తున్నాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి