ఆకట్టుకున్న స్టోరీస్‌ ఆఫ్‌ తెలంగాణ

తెలంగాణ సంస్కృతీ సంప్రదాయాలకు అద్దంపడుతూ ‘స్టోరీస్‌ ఆఫ్‌ తెలంగాణ’ డాక్యుమెంటరీని రూపొందించారు సినిమాటోగ్రాఫర్‌ డి. సమీర్‌ కుమార్‌. సుప్రియ యార్లగడ్డ నిర్మాణ బాధ్యతలు వహించారు. పేర్ని నృత్య రూపకర్త డాక్టర్‌ నటరాజ రామకృష్ణ శత జయంతి సందర్భంగా సోమవారం హైదరాబాద్‌లో ఈ డాక్యుమెంటరీని ప్రదర్శించారు. ఈ కార్యక్రమంలో అక్కినేని అమల, ప్రముఖ నృత్యకారులు కళాకృష్ణ తదితరులు పాల్గొన్నారు. ఈ సందర్భంగా అమల మాట్లాడుతూ..‘తెలంగాణ సంప్రదాయం, సంస్కృతీ గొప్పదనం నేటితరానికి తెలిసేలా ఈ డాక్యుమెంటరీ రూపొందించడం అభినందనీయం. దీన్ని మా సుప్రియ నిర్మించడం సంతోషంగా ఉంది. క్రమశిక్షణ, అంతరశక్తికి నృత్యం ఒక వేదిక లాంటిది. డ్యాన్స్‌ మన శక్తిని వెలికితీస్తుంది’ అన్నారు.