కాబూల్‌లో బాంబు పేలుడు.. 25 మంది మృతి

ఆఫ్ఘనిస్తాన్ రాజధాని కాబూల్‌లో శ‌నివారం భారీ పేలుడు సంభవించింది. ఈ బాంబు దాడిలో 40 మంది మరణించారు

May 8, 2021 / 09:52 PM IST

కాబూల్: ఆఫ్ఘనిస్తాన్ రాజధాని కాబూల్‌లో శ‌నివారం భారీ పేలుడు సంభవించింది. ఈ బాంబు దాడిలో 40 మంది మరణించారు. మ‌రో 52 మంది గాయపడ్డారు. ఆఫ్ఘనిస్తాన్ అంతర్గత వ్యవహారాల శాఖ ఈ సమాచారాన్ని అంద‌జేసింది. కాబూల్ జిల్లాలోని దస్తార్-ఎ-బార్చిలోని సయ్యద్ అల్ షుహాదా బాలికల ఉన్నత పాఠశాల వ‌ల్ల పేలుడు జ‌రిగింది. ఈ స‌మ‌యంలో బాలికలు పాఠశాల నుంచి ఇళ్ల‌కు బయల్దేరుతున్నారు. మొదట కార్ బాంబు పేలింది. తర్వాత రెండు రాకెట్లను పేల్చారు. అయితే, ఇప్పటివరకు ఏ ఉగ్రవాద సంస్థ కూడా ఈ పేలుళ్ల‌కు బాధ్యత తీసుకోలేదు.

ఈ దాడిలో 40 మంది మరణించారని, డజన్ల కొద్దీ గాయపడ్డారని ఆఫ్ఘన్ అంతర్గత వ్యవహారాల శాఖ ప్రతినిధి తారిక్ అరియన్ తెలిపారు. క్షతగాత్రులను వివిధ ద‌వాఖాన‌ల్లో చేర్చి చికిత్స అందిస్తున్నారు. ఈద్ ఉల్ ఫితర్ సంద‌ర్భంగా కొనుగోళ్లు చేసేందుకు ప్రజలు తమ ఇళ్ల నుంచి బయటకు వచ్చారు. షియా హజారా వర్గానికి చెందిన ప్రజలు ఎక్కువ‌గా ఈ ప్రాంతంలో నివసిస్తున్నారు.

సెప్టెంబరు 11 నాటికి అన్ని యూఎస్ దళాలను ఉపసంహరించుకోవాలని అమెరికా గత నెలలో ప్రణాళికలు ప్రకటించినప్పటి నుంచి కాబూల్ లో ప‌రిస్థితులు విష‌మంగా ఉన్నాయి. దేశవ్యాప్తంగా తాలిబాన్లు త‌మ‌ దాడులను వేగవంతం చేశార‌ని ఆఫ్ఘన్ అధికారులు తెలిపారు.