‘తమపై దాడి చేసిన కాంగ్రెస్ గుండాలపై చర్యలు తీసుకోవాలి’

దసరా పండుగ రోజు జమ్మి పూజ జరుగుతున్న క్రమంలో తమపై దాడి చేసిన కాంగ్రెస్ గుండాలపై చర్యలు తీసుకోవాలని మాజీ వైస్ ఎంపీపీ మట్టపల్లి శ్రీశైలం యాదవ్ పోలీసుల‌ను కోరాడు. తుంగతుర్తి మండల పరిధిలోని కొత్తగూడెం గ్రామంలో మంగళవారం పూజారి...

తుంగ‌తుర్తి, అక్టోబర్ 21 : దసరా పండుగ రోజు జమ్మి పూజ జరుగుతున్న క్రమంలో తమపై దాడి చేసిన కాంగ్రెస్ గుండాలపై చర్యలు తీసుకోవాలని మాజీ వైస్ ఎంపీపీ మట్టపల్లి శ్రీశైలం యాదవ్ పోలీసుల‌ను కోరాడు. తుంగతుర్తి మండల పరిధిలోని కొత్తగూడెం గ్రామంలో మంగళవారం పూజారి జమ్మి పూజ కార్యక్రమం నిర్వహించి గ్రామ సర్పంచ్‌కు కంకణం కడుతుంటే కాంగ్రెస్ నాయకులు కావాలనే పూజారి చేతుల నుండి కంకణం లాక్కొని తమపై దాడి చేశారని ఆరోపించారు. స్థానిక సంస్థల ఎన్నికలలో కొత్తగూడెం గ్రామంలో బీఆర్ఎస్ పార్టీ అభ్యర్థి గెలుపొందడంతో కాంగ్రెస్ పార్టీ నాయకులు ఓటమిని జీర్ణించుకోలేక ఈ దాడికి పాల్పడ్డారని మండిపడ్డారు. తనపై దాడి చేసిన వ్యక్తులపై చట్టపరమైన చర్యలు తీసుకోవాలని స్థానిక పోలీస్ స్టేషన్‌లో ఆయన ఫిర్యాదు చేశాడు.