సొంత మెసేజింగ్ ప్లాట్‌ఫామ్‌పై మైక్రోసాఫ్ట్ మోజు.. అందుకోస‌మే..!

న్యూయార్క్‌: మిగ‌తా టెక్ సంస్థ‌ల మాదిరిగా మైక్రోసాఫ్ట్ సైతం సొంతంగా మెసేజింగ్ వేదిక ఏర్పాటు కోసం క‌స‌ర‌త్తు చేస్తున్న‌ది. ఇందుకోసం మెసేజింగ్ ప్లాట్‌ఫామ్ డిస్‌కార్డ్ ఇంక్‌ను కొనుగోలు చేసేందుకు మైక్రోసాఫ్ట్ చ‌ర్చ‌లు జ‌రుపుతున్న‌ది. ఈ డీల్ విలువ 1000 కోట్ల డాల‌ర్లు ఉంటుంద‌ని మైక్రోసాఫ్ట్ వ‌ర్గాల‌ను ఉటంకిస్తూ బ్లూమ్‌బ‌ర్గ్ న్యూస్ ఓ వార్తా క‌థ‌నం ప్ర‌చురించింది.

డిస్‌కార్డ్ టేకోవ‌ర్‌కు మైక్రోసాఫ్ట్ చ‌ర్చ‌లు
డిస్‌కార్డ్ సైతం త‌మ సంస్థ కొనుగోలుకు ఆస‌క్తి, సామ‌ర్థ్యం గ‌ల సంస్థ‌ల‌తో సంప్ర‌దింపులు జ‌రుపుతున్న‌ద‌ని, ఆ జాబితాలో మైక్రోసాఫ్ట్ ఉన్న‌ద‌ని స‌న్నిహిత వ‌ర్గాల క‌థ‌నం. మంగ‌ళ‌వారం ఉద‌యం వెంచ‌ర్ బీట్ అనే మీడియా సంస్థ సైతం డిస్‌కార్డ్ విక్ర‌య‌ చ‌ర్చ‌లు తుది ద‌శ‌లో ఉన్నాయ‌ని పేర్కొంది. కానీ దీనిపై మైక్రోసాఫ్ట్, డిస్‌కార్డ్ స్పందించేందుకు ముందుకు రాలేదు.

700 కోట్ల డాల‌ర్లుగా డిస్‌కార్డ్ వాల్యూ
గ‌తేడాది డిసెంబ‌ర్‌లో డిస్‌కార్డ్ విలువ 700 కోట్ల డాల‌ర్లుగా నిర్ణ‌యించారు. యూజ‌ర్స్‌ గేమ్స్‌, డిస్క‌ష‌న్స్‌, వ‌ర్చువ‌ల్ పార్టీల వంటి కార్య‌క్ర‌మాలను డిస్‌కార్డ్ స‌మ‌న్వ‌యం చేస్తుంది. వీడియో గేమ్ ఆఫ‌రింగ్స్‌ను బ‌లోపేతం చేయ‌డానికి గ‌తేడాది జెనిమ్యాక్స్ మీడియాను 750 కోట్ల డాల‌ర్ల‌కు కొనుగోలు చేసింది ఎక్స్‌బాక్స్ మేక‌ర్.

క‌రోనా టైంలో వీడియో గేమ్స్‌పై న‌జ‌ర్‌
క‌రోనా మ‌హ‌మ్మారి వేళ లాక్‌డౌన్ స‌మ‌యంలో ప్ర‌జ‌లు ఎంట‌ర్‌టైన్‌మెంట్ కోసం వీడియో గేమ్స్ ఆడ‌టానికి ప్రాధాన్యం ఇచ్చారు. దీనివ‌ల్ల గేమింగ్ కంపెనీలు పురోభివ్రుద్ధి చెంద‌డానికి మార్గం సుగ‌మం అయ్యింది.

2016 నుంచి మైక్రోసాఫ్ట్ ఇలా
2016లో లింక్డ్ఇన్‌ను 26.2 బిలియ‌న్ల డాల‌ర్ల‌కు కొనుగోలు చేసిన మైక్రోసాఫ్ట్ సొంతంగా సోష‌ల్ మీడియా వేదిక‌ల‌ను ఏర్పాటు చేసుకోవ‌డంపై కేంద్రీక‌రించింది. ఇక షార్ట్ వీడియో యాప్ టిక్‌టాక్ అమెరికా ఆస్తుల‌ను కొనుగోలు చేయ‌డానికి గ‌తేడాది సెప్టెంబ‌ర్‌లో మైక్రోసాఫ్ట్ చేసిన ప్ర‌య‌త్నాలు ఫ‌లించ‌లేదు. మ‌రో సోష‌ల్ మీడియా ప్లాట్‌ఫామ్ పిన‌రెస్ట్ ఇంక్‌ను కొనుగోలు చేయ‌డానికి మైక్రోసాఫ్ట్ ఆస‌క్తి చూపింద‌ని ఫైనాన్సియ‌ల్ టైమ్స్ ఓ వార్తా క‌థ‌నం ప్ర‌చురించింది.

ఇవి కూడా చ‌ద‌వండి:

ఫేస్‌బుక్‌ కొత్త రిస్ట్‌బ్యాండ్‌.. మెదడుతో కంప్యూటర్ల నియంత్రణ

జాతీయ అవార్డుల్లో సైరాకు అన్యాయం జరిగిందా?

భారీగా త‌గ్గిన చ‌మురు ధ‌ర‌లు.. పెట్రోల్ రేట్లు త‌గ్గుతాయా?

ట్యాక్స్‌ సేవింగ్స్‌ చేయాలా..? ఈ టిప్స్‌ పాటించండి!

క‌రోనా ఎఫెక్ట్‌..స్పీడ్ పెంచిన ఆచార్య టీం…!

‘మారటోరియం’ వ‌డ్డీ మాఫీ..రూ.7500 కోట్ల భారం!