క‌రోనా ఎఫెక్ట్‌..స్పీడ్ పెంచిన ఆచార్య టీం…!

March 23, 2021 / 05:14 PM IST

గ‌తేడాది క‌రోనా లాక్‌డౌన్ తో డీలా ప‌డిపోయిన చిత్ర‌ప‌రిశ్ర‌మ మ‌ళ్లీ ఈ ఏడాది నెమ్మ‌దిగా పుంజుకుంటోంది. అయితే మ‌రోసారి క‌రోనా కేసులు పెరుగుతున్న‌ట్టు వార్త‌ల నేప‌థ్యంలో ప‌లు నిర్మాణ సంస్థ‌లు షూటింగ్ విష‌యంలో ఎలాంటి రిస్క్ చేయొద్ద‌ని భావిస్తున్నట్టు టాక్ వినిపిస్తోంది.

టాలీవుడ్‌లో తెర‌కెక్కుతున్న వ‌న్ ఆఫ్ ది బిగ్ ప్రాజెక్టు ఆచార్య‌. మెగాస్టార్ చిరంజీవి, రాంచ‌ర‌ణ్ న‌టిస్తోన్న ఈ చిత్రం ప్ర‌స్తుతం షూటింగ్ ద‌శ‌లో ఉంది.

క‌రోనా సెకండ్ వేవ్ ప్ర‌భావంతో కొర‌టాల శివ త‌న టీంను అప్ర‌మ‌త్తం చేశాడ‌ట‌. క‌రోనా కేసుల నేప‌థ్యంలో ఎలాంటి రిస్క్ తీసుకోకుండా షూటింగ్ వేగంగా పూర్తి చేయాల‌ని టీంకు సూచించిన‌ట్టు ఇన్‌సైడ్ టాక్‌.

కాజల్ ఇప్ప‌టికే ఆచార్య చివ‌రి షెడ్యూల్‌లో జాయిన్ అయింది. మ‌రి కొర‌టాల శివ అనుకున్న స‌మ‌యాని కంటే ముందే షూటింగ్ పూర్తి చేస్తాడేమో చూడాలి. మే 14న విడుద‌ల కానుంది ఆచార్య‌.