Woman Gang Raped | దారుణం.. యువతికి బలవంతంగా మద్యం తాగించి సామూహిక అత్యాచారం.. ఐదుగురు అరెస్ట్‌

Woman Gang Raped | ఉత్తరప్రదేశ్‌ (Uttar Pradesh) రాష్ట్రంలో దారుణం చోటు చేసుకుంది. ప్రముఖ పర్యాటక ప్రదేశమైన ఆగ్రా (Agra)లో ఓ యువతిపై నలుగురు యువకులు సామూహిక అత్యాచారానికి (Woman Gang Raped) పాల్పడ్డారు.

Woman Gang Raped | ఉత్తరప్రదేశ్‌ (Uttar Pradesh) రాష్ట్రంలో దారుణం చోటు చేసుకుంది. ప్రముఖ పర్యాటక ప్రదేశమైన ఆగ్రా (Agra)లో ఓ యువతిపై నలుగురు యువకులు సామూహిక అత్యాచారానికి (Woman Gang Raped) పాల్పడ్డారు. ఈ ఘటనలో ఐదుగురు వ్యక్తులను పోలీసులు తాజాగా అరెస్ట్‌ చేశారు.

ఆగ్రాలోని ఓ హోటల్‌ (Agra Hotel)లో పనిచేస్తున్న 25 ఏళ్ల యువతిపై గత శనివారం నలుగురు వ్యక్తులు సాముహిక అత్యాచారానికి పాల్పడ్డారు. ఆమెను ఓ రిచ్‌ హోమ్‌స్టేకి తీసుకెళ్లి బలవంతంగా మద్యం తాగించారు. అనంతరం సామూహిక అత్యాచారానికి ఒడిగట్టారు. ఆగ్రా సదర్‌ ఎస్పీ అర్చనా సింగ్‌ తెలిపిన వివరాల ప్రకారం.. ఓ మహిళపై అత్యాచారం, దాడి జరిగినట్లు శనివారం రాత్రి తాజ్‌గంజ్‌ పోలీసులకు (Tajganj police) ఫోన్‌ కాల్‌ వచ్చింది. దీంతో వారు వెంటనే అక్కడికి చేరుకొని.. బాధితురాలిని రక్షించారు. నిందితులు తనకు సంబంధించిన ఓ అభ్యంతరకరమైన వీడియోను రూపొందించారని, దాని ద్వారా తనను బ్లాక్ మెయిల్ చేస్తున్నట్లు బాధిత యువతి పోలీసులకు వెల్లడించింది. బలవంతంగా తనకు మద్యం తాగించారని, గాజు సీసాతో బలంగా తలపై కొట్టారని పోలీసుల ముందు వాపోయింది.

బాధితురాలి ఫిర్యాదు మేరకు పోలీసులు సంబంధిత సెక్షన్ల కింద కేసు నమోదు చేసినట్లు ఎస్పీ తెలిపారు. ఈ ఘటనలో ఓ మహిళ సహా మొత్తం ఐదుగురిని అరెస్ట్‌ చేసినట్లు చెప్పారు. నిందితులంతా ఆగ్రాకు చెందిన వారే అని పేర్కొన్నారు. వారిపై అత్యాచారం సహా పలు సెక్షన్ల కింద కేసులు బుక్‌ చేసినట్లు వెల్లడించారు. బాధితురాలికి వైద్య పరీక్షలు నిర్వహించి, ఈ కేసులో చట్టపరమైన చర్యలు తీసుకుంటామని ఆగ్రా సదర్ అసిస్టెంట్ పోలీస్ కమిషనర్ అర్చనా సింగ్ తెలిపారు.

Also Read..

Most Polluted Cities | దివాళీ ఎఫెక్ట్‌.. అత్యంత కాలుష్య నగరాల్లో ఢిల్లీ టాప్‌.. మరో రెండు నగరాలు కూడా

SUV Hits 3 Bikes | ద్విచక్ర వాహనాలపైకి దూసుకెళ్లిన కారు.. నలుగురికి గాయాలు.. VIDEO

Leopard | పటాకుల శబ్దానికి భయపడిన చిరుత.. 15 గంటల పాటూ ఇంట్లోనే నక్కి