SUV Hits 3 Bikes | ద్విచక్ర వాహనాలపైకి దూసుకెళ్లిన కారు.. నలుగురికి గాయాలు.. VIDEO

SUV Hits 3 Bikes | ట్రాఫిక్‌ నగరంగా పేరుగాంచిన కర్ణాటక రాజధాని బెంగళూరు (Bengaluru)లో ఓ ఎస్‌యూవీ కారు బీభత్సం సృష్టించింది. రద్దీగా ఉన్న రహదారిపై అతివేగంగా వెళ్తూ.. ద్విచక్ర వాహనాలపైకి దూసుకెళ్లింది.

November 13, 2023 / 12:55 PM IST

SUV Hits 3 Bikes | ద్విచక్ర వాహనాలపైకి దూసుకెళ్లిన కారు.. నలుగురికి గాయాలు.. VIDEO

SUV Hits 3 Bikes | ట్రాఫిక్‌ నగరంగా పేరుగాంచిన కర్ణాటక రాజధాని బెంగళూరు (Bengaluru)లో ఓ ఎస్‌యూవీ కారు బీభత్సం సృష్టించింది. రద్దీగా ఉన్న రహదారిపై అతివేగంగా వెళ్తూ.. ద్విచక్ర వాహనాలపైకి దూసుకెళ్లింది. ఈ ఘటనలో పలువురు వాహనదారులు తీవ్రంగా గాయపడ్డారు.

దీపావళి రోజు సాయంత్రం స్థానిక హులిమావు ప్రాంతం (Hulimavu area)లో ఈ ఘటన చోటు చేసుకున్నట్లు పోలీసులు తెలిపారు. రద్దీగా ఉన్న రహదారిపై తెల్లటి ఎస్‌యూవీ కారు అతి వేగంగా వెళ్తూ.. ముందు ఉన్న మూడు ద్విచక్ర వాహనాలని ( SUV Hits 3 Bikes) బలంగా ఢీ కొట్టినట్లు చెప్పారు. కారు ముందుగా ఒక ద్విచక్ర వాహనాన్ని బలంగా ఢీ కొడుతుంది. దీంతో ఆ వాహనదారుడు గాల్లోకి ఎగిరి కొన్ని అడుగుల దూరంలో రెండు కార్ల మధ్య పడిపోతాడు. ఆ తర్వాత అదే వేగంతో రెండో బైక్‌ను కారు ఢీ కొడుతుంది. రెండో బైక్‌పై ప్రయాణిస్తున్న వారు ఎగిరి ఫుట్‌పాత్‌పై పడిపోతారు. ఆ తర్వాత కారు అలాగే ఆగకుండా అదే వేగంతో మరో బైక్‌ను కూడా ఢీకొంటుంది.

మొత్తం ఈ ఘటనలో నలుగురు తీవ్రంగా గాయపడినట్లు పోలీసులు వెల్లడించారు. క్షతగాత్రులను సమీపంలోని ఆసుపత్రికి తరలించి చికిత్స అందిస్తున్నామని ప్రస్తుతం వారి ఆరోగ్య పరిస్థితి నిలకడగానే ఉన్నట్లు వెల్లడించారు. ఈ మేరకు ఘటనపై కేసు నమోదు చేసినట్లు తెలిపారు. ఘటన తర్వాత ప్రమాదానికి కారణమైన కారు డ్రైవర్‌ అక్కడి నుంచి పరారైనట్లు చెప్పారు. అతడి కోసం గాలింపు చేపట్టినట్లు వివరించారు. మరోవైపు ఈ ప్రమాదానికి సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది.

Four individuals sustained injuries when an SUV collided with three motorcycles in Bengaluru. #BengaluruAccident #SUVCollision #DashcamCapture #HulimavuIncident #Injury #HitAndRun #Traffic #SUV #accident #Bengaluru #Bangalore pic.twitter.com/yednGTBWjJ

— Ceptor World (@CeptorW) November 13, 2023