Viral Video | భోజ్‌పురి సాంగ్‌కు ట్రైన్‌లో యువ‌తి డ్యాన్స్ : ఇదేం ప‌నంటూ ఓ రేంజ్‌లో ఆడుకున్న నెటిజ‌న్లు

మెట్రో రైళ్లు, రైల్వే ప్లాట్‌ఫాం స‌హా బ‌హిరంగ ప్ర‌దేశాల్లో డ్యాన్స్‌లు చేస్తూ ఆ వీడియోల‌ను (Viral Video) సోష‌ల్ మీడియాలో షేర్ చేసే ట్రెండ్ ప్ర‌బ‌లుతోంది.

కోల్‌క‌తా : మెట్రో రైళ్లు, రైల్వే ప్లాట్‌ఫాం స‌హా బ‌హిరంగ ప్ర‌దేశాల్లో డ్యాన్స్‌లు చేస్తూ ఆ వీడియోల‌ను (Viral Video) సోష‌ల్ మీడియాలో షేర్ చేసే ట్రెండ్ ప్ర‌బ‌లుతోంది. ఇలాంటి ఘ‌ట‌న‌లు ప్ర‌జ‌ల‌కు ఇబ్బందిక‌ర‌మే కాకుండా కొన్నిసార్లు ప్ర‌మాదాల‌నూ కొనితెచ్చేలా మారుతున్నాయి. ఇక లేటెస్ట్‌గా ప‌శ్చిమ బెంగాల్‌లో ప్ర‌యాణీకుల‌తో ర‌ద్దీగా ఉన్న ట్రైన్‌లో ఓ యువ‌తి ప్ర‌ముఖ భోజ్‌పురి సాంగ్‌కు డ్యాన్స్ చేసిన వీడియో ప్ర‌స్తుతం నెట్టింట వైర‌ల్‌గా మారింది.

ఈ వీడియోలో క‌నిపించిన యువ‌తిని కోల్‌కతాకు చెందిన ఇన్‌స్టాగ్రాం ఇన్‌ఫ్లుయ‌న్స‌ర్ స‌హేలి రుద్ర‌గా గుర్తించారు. ఈమెకు ఇన్‌స్టాలో ఏకంగా 8.4 ల‌క్ష‌ల ఫాలోవ‌ర్లు ఉన్నారు. ఈ వీడియోలో ఆమె ష‌ర్ట్‌, చినిగిన జీన్స్‌తో కేస‌రిలాల్ యాద‌వ్ స‌జ్ కే స‌వార్ కే సాంగ్‌కు అల‌వోకగా డ్యాన్స్ చేయ‌డం చూడొచ్చు. ప్ర‌యాణీకుల మ‌ధ్య‌న ఉండే కొద్దిపాటి ప్ర‌దేశంలోనే ఆమె డ్యాన్స్ చేసింది.

 

View this post on Instagram

 

A post shared by Saheli Rudra | Influencer (@_sahelirudra_)

ఈ వీడియోను ఇన్‌స్టాగ్రాంలో షేర్ చేసిన‌ప్ప‌టి నుంచి 2.5 ల‌క్ష‌ల మంది లైక్ చేయ‌గా, ఏకంగా 1.1 కోట్ల మంది ఈ క్లిప్‌ను వీక్షించారు. ఈ వీడియోపై పెద్ద‌సంఖ్య‌లో నెటిజ‌న్లు రియాక్ట‌య్యారు. కొంద‌రు నెటిజ‌న్లు ఆమె ఆత్మ విశ్వాసాన్ని ప్ర‌శంసించ‌గా రీల్ చేసేందుకు యువ‌తి ఎంచుకున్న లొకేషన్ స‌రైంది కాద‌ని మ‌రికొంద‌రు త‌ప్పుప‌ట్టారు. బ‌హిరంగ ప్ర‌దేశాల్లో డ్యాన్స్ వీడియోలు చేయ‌డం న్యూసెన్స్ అని ప‌లువురు యూజ‌ర్లు మండిప‌డ్డారు. ఈ ట్రెండ్‌ను నిలిపివేయండ‌ని కోరారు.

Read More :

Couple’s Murder | పెద్దల ఇష్టానికి వ్యతిరేకంగా పెళ్లి చేసుకున్న జంట.. మూడు రోజులకే దారుణంగా హత్య