పశ్చిమ బెంగాల్‌ పేరు ‘పశ్చిమ బంగా’గా మార్పు?

కోల్‌కతా : పశ్చిమ బెంగాల్‌ పేరును మారుస్తామని ఆ రాష్ట్ర బీజేపీ చీఫ్‌ సమిక్‌ భట్టాచార్య తెలిపారు. పశ్చిమ బెంగాల్‌ను ‘పశ్చిమ బంగా’గా మార్చేందుకు త్వరలోనే అసెంబ్లీలో బిల్లు ప్రవేశపెడుతామన్నారు. బుధవారం మీడియాతో మాట్లాడిన భట్టాచార్యను కొందరు జర్నలిస్టులు పేరు మార్పుపై ప్రశ్నించారు.

ఆయన స్పందిస్తూ.. ‘ఎన్నిసార్లు చెప్పాలి. మేం కచ్చితంగా పేరు మార్చబోతున్నాం. మా ప్రభుత్వం తొలి అసెంబ్లీ సమావేశాల్లో ఇదే బిల్లు ఉంటుంది. ఈ రాష్ట్ర చరిత్రతో అనుబంధం ఉన్న పేరునే రాష్ర్టానికి పెట్టబోతున్నాం. ఇక నుంచి పశ్చిమ బంగ్లా, బంగ్లా అనే పేర్లు ఉండవు. కేవలం పశ్చిమ బంగా మాత్రమే ఉంటుంది. ప్రజల మనోభావాలను గౌరవిస్తూ ఈ పేరును పెట్టాలని నిర్ణయించాం’ అని సమిక్‌ భట్టాచార్య వెల్లడించారు. గత సోమవారం కూడా ఆయన ఇదే తరహా ప్రకటన చేశారు.