మణిపూర్‌లో మళ్లీ హింస

మణిపూర్‌లో మళ్లీ హింసాత్మక ఘటనలు చోటుచేసుకున్నాయి. గత 24 గంటల వ్యవధిలో జరిగిన వివిధ ఘటనల్లో ఐదుగురు మరణించారు.

• నాగా-కుకీల మధ్య ఘర్షణ
• 24 గంటల్లో ఐదుగురి మృతి

ఇంఫాల్‌, నవంబర్‌ 1 : మణిపూర్‌లో మళ్లీ హింసాత్మక ఘటనలు చోటుచేసుకున్నాయి. గత 24 గంటల వ్యవధిలో జరిగిన వివిధ ఘటనల్లో ఐదుగురు మరణించారు. ననీ జిల్లాలోని కెక్రూ నాగ గ్రామంలో శనివారం సాయుధ నాగా, కుకీ గ్రూపులకు మధ్య జరిగిన కాల్పుల్లో ముగ్గురు కుకీ-జో వ్యక్తులు మరణించారు. అలాగే టాఫౌ కుకీ గ్రామం నుంచి అదృశ్యమైన ఇద్దరు కుకీ పౌరులు శవమై కన్పించినట్టు మణిపూర్‌ పోలీసులు చెప్పారు.

ఆ ప్రాంతంలో కొన్ని రోజుల పాటు అడపాదడపా దాడులు జరుగుతుండగా, ఇళ్లను తగలబెట్టారనే ఆరోపణలు వచ్చాయి. రోంగ్‌మే-నాగా ప్రజలు అధికంగా నివసించే ప్రాంతంలో ఈ ఘటన జరిగింది. దీనితో నాగా-కుకీ జాతుల మధ్య ఈ ఏడాది ఫిబ్రవరి నుంచి రాష్ట్రంలో జరుగుతున్న హింసలో మరణించిన వారి సంఖ్య 68కి చేరింది.