బీజేపీతోనూ సఖ్యతే.. ఆచితూచి వ్యవహరిస్తున్న సీఎం విజయ్‌

తమిళనాడు సీఎం విజయ్‌ రాజకీయాల్లో ఆచితూచి వ్యవహరిస్తున్నారా? ఒకవైపు ఇండియా కూటమిలో భాగమైన టీవీకే పార్టీ.. అటు బీజేపీతోనూ సఖ్యతను కొనసాగిస్తున్నదా? తాజాగా జరుగుతున్న పరిణామాలు ఈ వాదనలకు బలాన్ని చేకూరుస్తున్నాయని రాజకీయ విశ్లేషకులు చెప్తున్నారు.

(స్పెషల్‌ టాస్క్‌ బ్యూరో)  హైదరాబాద్‌, అక్టోబర్‌ 16 (నమస్తే తెలంగాణ) : తమిళనాడు సీఎం విజయ్‌ రాజకీయాల్లో ఆచితూచి వ్యవహరిస్తున్నారా? ఒకవైపు ఇండియా కూటమిలో భాగమైన టీవీకే పార్టీ.. అటు బీజేపీతోనూ సఖ్యతను కొనసాగిస్తున్నదా? తాజాగా జరుగుతున్న పరిణామాలు ఈ వాదనలకు బలాన్ని చేకూరుస్తున్నాయని రాజకీయ విశ్లేషకులు చెప్తున్నారు.

సీఈసీ జ్ఞానేశ్‌కుమార్‌ రాజీనామాను డిమాండ్‌ చేస్తూ గురువారం చెన్నైలో ఇండియా కూటమి నేతలు భారీ నిరసన చేపట్టారు. అయితే, టీవీకే పార్టీ నుంచి ఒక్క మంత్రి రాజ్‌మోహన్‌ మినహా మరే కార్యకర్త కూడా ఈ నిరసనల్లో పాల్గొనలేదు.సీఈసీ రాజీనామాను డిమాండ్‌ చేసిన రాజ్‌మోహన్‌.. బీజేపీపై ఒక్క విమర్శ కూడా చేయలేదు.